2. Asosiy qism

2012 yil

1 576 km masofali optik tolali aloqa liniyalarini yotqizish va qurish ishlari yakunlandi. Shaharlararo, xalqaro va zona ichi aloqa kanallarining umumiy uzunligi 276,2 mln. kanal/km ni tashkil etdi, ulardan 263,5 mln. kanal/km optik tolali aloqa liniyalaridir.

2012-yilda amalga oshirilgan chora-tadbirlar Xalqaro paketli kommutatsiya markazi sig‘imini 4 barobarga oshirishga va uni 40 Gbit/s gacha yetkazishga, provayderlar uchun internet tarmog‘idan foydalanish tariflarini 1 Mbit/s. uchun 529 AQSH dollaridan 422 AQSH dollarigacha pasaytirishga imkon berdi.

Viloyatlar, tuman lar markazlari va respublika shaharlarini raqamli telekommunikatsiya tarmoq bilan qamrab olish darajasi 100 foizni, qishloq aholi punktlarini telekommunikatsiya tarmoq bilan qamrab olish darajasi – 95,7 foizni tashkil etdi.

2012-yil natijalarini o‘tgan yil davri bilan taqqoslab «O‘zbektelekom» AK asosiy yutuqlarini sanab o‘tish zarur – bular asosan ovozli aloqa xizmatlari ko‘rsatilishidan hozirgi kunda yanada katta talabga ega bo‘lgan ma'lumotlar uzatish zamonaviy xizmatlari, FTTx, IP-telefoniya/videotelefoniya, IPTV va CDMA-450 standartida simsiz radioulanish xizmatlariga o‘tishdir.

«Yagona oyna» tamoyil bo‘yicha ishlaydigan 94ta savdo ofislari foydalanishga topshirildi.

2012-yil oxiriga kelib, Internetga keng polosali ulanish abonentlari soni 52 foizdan ko‘proqqa oshdi, respublika aholi punktlari hududlarini CDMA-450 simsiz radioulanish zonasi bilan qamrab olish 71,3 foizga yetkazildi, IP-telefoniya, videotelefoniya va IP-TV xizmatlari foydalanuvchilari soni jadal o‘sishi kuzatildi.