2-amaliy mashg’ulot mavzu: Beton uchun ishlatiladigan bog‘lovchi moddalar. Portlandsement va uning turlari Reja

2-AMALIY MASHG’ULOT
Mavzu: Beton uchun ishlatiladigan bog‘lovchi moddalar. Portlandsement va uning turlari
Reja:
1 Tez qotuvchi portlandsement
2.Sulfatga bardoshli portlandsementlar.
2. Oq va rangli sementlar.
3.Betonning zichligi bo’yicha sinflari.
Hozirgi davrga qadar bog‘lovchi moddalar ikki guruhga bo‘linadilar: mineral (anorganik) va organik moddalar.
Mineral yoki anorganik modda tabiiy moddadan yoki uning kuydirish yo‘li bilan olinadigan moddadan iborat. Kuydirish yuli bilan olinadigan moddalar toshlarni yoki binoning tarkibiy qismlarini bir biriga yopishtirish qobiliyatiga ega. Ulardan bunday moddalarni tayyorlashda ham foydalaniladi. Ko‘p ilmiy ishlarda qurilish moddalari, qurilish konstruksiyalari va qismlari ishlab chiqarish hajmini oshirish, modda hajmini, tannarxi va qurilishdagi ishni kamaytiradigan, binoning va qurilishning og‘irligini kamaytiradigan va ularni issiqqa bardoshligini oshiradigan mahsulotlar ishlab chiqarish ko‘zda tutiladi. Shuning uchun hozirgi vaqtda IMSning va tog‘-kon sanoatining ikkilamchi resurslaridan foydalangan holda qurilish moddalarini ishlab chiqarish texnologiyasi ishlab chiqilmoqda.
Yonilg‘i-energetika resurslarini iqtisod qilish uchun sement, oxak, qurilish mahsulotlari ishlab chiqaruvchi korxonalar elektrni tejaydigan texnalogiyaga o‘tmoqda. Bunga quruq usulda port­landsement ishlab chiqarishni misol qilib kelitirish mumkin. Bu usul­da xul usulga nisbatan 1,5-2 marta energiya sarfi iqtisod qilinadi. Sement, beton va boshqa moddalar ishlab chiqarish usulidan ko‘pgina davlatlar ham foydalanmoqda. Sovet, olimlari sement kimyosi va texnologiyasi sohasida bir qancha muhim kashfiyotlarni yaratdilar. Xomashyoni quyi haroratda quydirish va bu jarayonda kam energiya sarflash ana shular jumlasidandir.
Mamlakatimiz eng muhim qurilish moddalari, sement, barqaror temir-beton ishlab chiqarish borasida eng rivojlangan davlatlardan biridir. Xususan, sement va uning turlarining 30 xili ishlab chiqarilmoqda.