2. 2-Мавзу. Юридик шахслардан ундириладиган фойда солиғини солиқ ҳисоботларини тақдим этиш муддатлари. Режа

2.2-Мавзу. Юридик шахслардан ундириладиган фойда солиғини солиқ ҳисоботларини тақдим этиш муддатлари. Режа: 1.Солиқ тўловчилар таркиби, солиқ объекти ва солиқ базаси. 2. Солиқ ставкалари ва солиқдан имтиёзлар. 3. Солиққа тортиладиган базани аниқлаш, ҳисоблаш ва бюджетга тўлаш тартиби. 4.Ривожланган ҳорижий давлатларда юридик шахсларнинг фойдасини солиққа тортишнинг ўзига хослиги.

1. Солиқ тўловчилар таркиби, солиқ объекти ва солиқ базаси.

Қуйидагилар фойда солиғининг солиқ тўловчиларидир:
1) Ўзбекистон Республикасининг солиқ резидентлари бўлган юридик шахслар;
2) Ўз Рес.нинг норезидентлари бўлган юридик шахслар, шунингдек Ўз. Рес.да фаолиятни доимий муассасалар орқали амалга оширадиган, юридик шахс ташкил этмаган ҳолдаги чет эл тузилмалари;
3) Ўз Республикасидаги манбалардан даромадлар олувчи Ўз Рес норезидентлари бўлган юридик шахслар;
4) солиқ тўловчилар консолидациялашган гуруҳининг масъул иштирокчилари бўлган юридик шахслар;
5) солиқ даврида товарларни (хизматларни) реализация қилишдан олган даромадлари бир миллиард сўмдан ортиқ бўлган ёки ўз ихтиёри билан фойда солиғини тўлашга ўтган якка тартибдаги тадбиркорлар;
6) оддий ширкат шартномаси доирасида амалга ошириладиган фаолият бўйича оддий ширкатнинг ишончли шахси.
Солиққа тортиш мақсадида фойдага солиқ тўловчиларни резидентлар ва норезидентларга ажратилади.
Ўз. Рес.нинг резиденти деб, Ўз.да таъсис этилган ёки рўйхатдан ўтган ҳамда бош корхонаси Ўз.да жойлашиб, Ўз Рес дан ташқарида рўйхатдан ўтган юридик шахслар ҳисобланади. Ўз Рес резиденти бўлган юридик шахслар Ўз.да ва ундан ташқаридаги фаолиятдан олган даромадларидан фойда солиғига тортиладилар.
Ўз. Рес.нинг норезидентлари эса, фақат Ўз. Рес.да фаолият кўрсатишдан олган даромадлари бўйича солиққа тортиладилар.
Резидентлар доимий фаолият кўрсатувчилар бўлса, норезидентлар фаолияти Республикада вақтинчалик ҳарактерга эга бўлади.
Юридик шахслар фойда солиғи тўловчилари бўлиши учун қўйидаги шартларга жавоб бериши керак:

• рухсат этилган фаолиятдан фойда олиши (қонунчилик билан таъқиқланган фаолиятдан ташқари);
• ўзининг мол-мулкига эга бўлиши;
• мустақил тугалланган бухгалтерия балансига эга бўлиши;
• банкда ҳисоб рақамига эга бўлиши;
• идентификацион рақамга эга бўлиши.
• маҳаллий ҳокимият органларидан рўйхатдан ўтган бўлиши.