2 – ma’vzu. Poezdlar harakati xavfsizligini ta’minlashda asosiy me’yoriy hujjatlar

2 – ma’vzu. Poezdlar harakati xavfsizligini ta’minlashda asosiy me’yoriy hujjatlar
REJA:
1. O'zbekiston Respublikasi temir yo'llalaridan texnikaviy foydanish qoidalari.
2. O'zbekiston Respublikasi temir yo'llarida poezdlar harakati va manevr ishlari bo'yicha yo'riqnoma.
3. O`zbekiston Respublikasi temir yo`llarida signal berish bo`yicha yoriqnoma
.
4. Temir yo'l ishchilarining intizomi bo'yicha ko'rsatma.
5. "UTY" AJ raisining 1-N-sonli buyrug'i.
6. Poezdlar harakatini tashkil qilishda ishlatiladigan jurnallar: DU-2, DU-3, DU-46, DU-47, DU-58, DU-60. Blankalar:DU-50, DU-52, DU-54, DU-55, DU-56, DU-61, DU-64 hujjatlarini yuritish tartibi.
Tayanch iboralar:
texnikaviy foydanish qoidalari, poezdlar harakati va manevr ishlari bo'yicha yo'riqnoma, signal berish, ishchilarining intizomi, nizom, harakat xavfsizligi, jurnal, blanka.

1. O'zbekiston Respublikasi temir yo'llalaridan texnikaviy foydanish qoidalari.

Hammamizga yaxshi ma'lumki, Respublikamizda amalga oshirilayotgan keng ko’lamli islohatlarda temir yo’l transportining alohida va salmoqli o’rni bor. Sohada xalq xo’jaligi va aholining tashishlarga bo’lgan ehtiyojlarini to’la qondirish, temir yo’l transportini to’xtovsiz, uzluksiz, barqaror ishlashi, ko’rsatilayotgan xizmatlar sifatini oshirish yo’lida aniq va uzoqni ko’zlangan ulkan ishlar amalga oshirilmoqda. Shu bois, temir yo’l transporti kundan-kun rivojlanib, texnik va texnologik jihatdan yangilanib, zamonaviy talablar va jahon andozalari talablariga javob beradigan rivojlanishga erishmoqda. Soha barqaror ishlashini ta'minlashda texnik rivojlanish bilan bir qatorda temir yo’l transporti bilan bog’liq xodimlarning yetarli bilim saviyasiga ega bo’lishi alohida o’rin tutadi. Buning uchun amaldagi me'yoriy hujjatlarni davlat tilida chuqur o’rganish muhimdir.

UMUMIY QOIDALAR

O‘zbekiston Respublikasi temir yo’llaridan texnikaviy foydalanish qoidalari temir yo‘llari va temiryo‘l transporti xodimlarining asosiy nizomlarini, ish tartibini, muhim inshootlar, qurilmalar va harakat tarkiblarini saqlash me’yorlarini, asosiy o‘lchamlarini, ularga bo‘lgan talablarni, poyezdlar harakatini tashkil qilish tizimini va signalizatsiya prinsiplarini, shuningdek tezyurar va yuqori tezlikdagi yolovchi tashish poezdlarinning harakatini tashkil etilishini mazkur qoidalarning 1- va 2-ilovalariga muvofiq o‘rnatadi.

Temir yo‘llari, ishnoot, qurilma va harakat tarkiblarini qurish, texnikaviy foydalanish va loyihalashtirish bilan bog‘liq bo‘lgan yo‘riqnoma va ko‘rsatmalar mazkur goidalarning talablariga mos bo‘lishi kerak.
Go‘shni davlatlar bilan chegaradosh temir yo‘l uchastkalarida poyezdlar harakati tartibi davlatlararo kelishuvlar asosida amalga oshiriladi.

2. O'zbekiston Respublikasi temir yo'llarida poezdlar harakati va manevr ishlari bo'yicha yo'riqnoma.

Ўзбекистон Республикаси темир йўлларида поездлар ҳаракати ва маневр ишлари бўйича Йўриқнома¹, Ўзбекистон Республикаси темир йўлларидан техникавий фойдаланиш Қоидалари (кейинчалик – ТФҚ)² ва Ўзбекистон Республикаси темир йўлларида сигналлаш бўйича Йўриқнома³да белгиланган асосий қоидаларга мувофиқ равишда қуйидаги қоидаларни ўрнатади:
станциядаги сигнализация, марказлашув ва блокировка (СЦБ) нинг ҳамда сигнализация ва алоқанинг турли воситаларида, жумладан, нормал ҳолатларда ҳам, ушбу қурилмалар носозлигида хам поездларни қабул қилиш, жўнатиш ва ўтказиш;
темир йўлларда ва иншоотларда таъмирлаш-қурилиш ишлари амалга оширилаётган шароитларда поездларни қабул қилиш ва жўнатиш;
станцияларда маневрларни амалга ошириш;
поездларга огоҳлантиришлар бериш;
поездлар ҳаракати ва маневр ишлари хавфсизлигини белгиловчи бошқа қоидалар.
Ушбу йўриқномада кўзда тутилган талабларни тегишли ходимлар яхши билишлари ва аниқ бажаришлари - поездлар ва маневрлар ишларини амалга оширишда хавфсизликни таъминлашнинг энг муҳим шартларидан биридир.


3. O`zbekiston Respublikasi temir yo`llarida signal berish bo`yicha yoriqnoma Ўзбекистон Республикаси темир йўлларида сигналлаштириш бўйича йўриқнома поездлар харакати ва маневир ишларига таалуқли буйруқ ва кўрсатмаларни узатишдаги кўринадиган ва товушли сигналлар тизимини хамда сигнал асбоб турларини белгилаб беради.
4. Temir yo'l ishchilarining intizomi bo'yicha ko'rsatma.
Temir yo’l transporti xodimlarining intizomi O’zbekiston Respublikasi Vazirlar Mahkamasi tomonidan tasdiqlanadigan Temir yo’l transporti xodimlarining intizomi, to’g’risidagi nizom bilan tartibga solinadi. Temir yo’l transporti korxonalarida jamoa mehnat nizolarini hal qilish vositasi sifatida ishni to’xtatishga yo’l qo’yilmaydi.