2- мавзу: персонал аудити методологияси маърузалар технологияси

Қисқача хулосалар
Ҳозирги кунда ташкилотда персоналнинг ролини тушунишнинг учта ёндашуви шаклланган: персонал — ташкилот ҳаражатлари; персонал — ташкилотнинг асосий ресурси; персонал — капитал. Юқорида белгиланган ёндашувлар аудит ўтқазиш дастурига ҳам тўғридан тўғри таъсир қилади.
Персонал аудити — бу ўз ичига ахборотларни йиғиш, уларнинг таҳлили ва натижалари асосида меҳнат салоҳиятидан фойдаланиш бўйича ташкилот фаолияти самарадорлигини баҳолаш, ҳамда ижтимоий меҳнат муносабатларини тартибга солишга оид тадбирлар тизимини ўз ичига оладиган персонални бошқариш соҳасидаги ишлар холатининг доимий экспертизасини ўтқазишдир. Унинг моҳияти ташкилотда юзага келган муаммоларни диагностика қилиш, ҳамда бу муаммоларнинг нақадар муҳимлигини баҳолаш ва эчилиши лозимлиги юзасидан ташкилот раҳбариятга аниқ тавсияларни беришдан иборат.
Персонал аудити персонални бошқариш тизимини тадқиқ қилишнинг диагностик усулидан фойдаланиб олиб борилади. Персонални бошқариш тизимида диагностика иши персонални бошқариш бутун тизимининг самарадорлигини чекловчи энг заиф қисм сифатида эътироф этилиши мумкин.
Персонал – бу сифат тизимидаги асосий ресурс, чунки сифатни таъминлаш ва яхшилаш учун шароитлар яратувчи омиллар, биринчи навбатда, техник ва ҳатто иқтисодий ҳам эмас, балки кўп жиҳатдан персонал билан боғлиқ бўлган ижтимоий омиллардир.
ИСО стандартларини амалга ошириш сифатни таъминлаш жараёнига корхонанинг барча персонали жалб қилиниши кераклигини кўзда тутади. Бунда ҳар бир ҳодим ўзнинг сифат бўйича натижаларини таъминлашга жавобгар бўлиши зарур. ИСО 9001:2000 стандарти маҳсулот сифатига таъсир қиладиган ишни бажараётган персонал олган билимлари, тайёргарлиги, тажриба ва кўникмаларига мос холда компетент бўлиши керак
Аудит иккита даражада ўтказилади. Стратегик даражада персонални бошқариш сиёсатининг ташкилот мақсадлари, унинг глобал стратегияси билан мувофиқлашганлик даражаси аниқланади.
Персонал аудити тезкор ва стратегик даражаларда амалга оширилади. Кадрлар аудитини ўтқазишда маслаҳатчилар фойдаланадиган воситалар турли-тумандир: анкеталаштириш; тузилмавий интервю; тестлар; турли сўровномалар; эксперт баҳолаш усули; вазиятли гурухли диагностика; мавжуд бошқарув ва кадрларга оид хужжатларни таҳлил қилиш; кузатиш ва бошқалар.

1^ Комисарова Т.А. Управление человеческими ресурсами: Учеб.пособие.-М.:Дело,2002, стр.30