2- мавзу: персонал аудити методологияси маърузалар технологияси

2.1-жадвал
«Персонал — харажат». «Персонал — ресурс» стратегиялари

«Персонал —харажат»	«Персонал — ресурс»
Инсон — сарфланадиган эҳтиёт қисм	Инсон — ривожлантирилиши зарур бўлган ресурс
Максимал юкланганлик, персоналнинг тор кўникмалари	Вазифаларни оқлона тақсимланиши, ишловчиларнинг кўп функстионаллиги
Ташқи назорат (мутахассислар назорати)	Ички назорат
Иш ҳақи ўртача даражадан паст	Иш ҳақи ўртача даражадан юқори
Мукофотлар минимал ва расмий	Турли-туман ва рағбатлантирувчи мукофотлар
Аксарият холда ижтимоий имтиёзлар мавжуд эмас	Ижтимоий имтиёзлар тизими ривожланган
«Ўзгартириб бўлмайдиганлар йўқ» тамойили	«Ҳар бир ҳодим қадрли» тамойили
Мусобақалашув	Ҳамкорлик
Фирма ичидаги ўқитишлар олиб борилмаслиги	Персонал малакасининг узлуксиз ошириб борилиши
«Тайёр мутахассислар» жалб қилишга урғу берилиши	Қобилиятли мутахассисларни ишга жалб қилиниши

Кадрлар сиёсатини кенг ва тор маънода тушуниш мумкин.

Кенг маънода кадрлар сиёсати – шундай бир тизимки, унда инсон ресурслари билан ташкилот стратегияси бир-бирига мос қоида ва нормалар асосида фаолият олиб боради. Бунга кадрлар билан ишлашнинг барча тадбирлари – кадрларни танлаш, штат жадвалини тузиш, аттестастиядан ўтказиш, ўқитиш ва малакасини ошириш, хизмат мартабасини кўтариш каби масалалар ташкилотнинг умумий мақсадлари ва вазифалари сифатида олдиндан режалаштирилади ва тасдиқланади.
Тор маънода кадрлар сиёсати – ходимлар ва ташкилотнинг ўзаро муносабатларида аниқ қоида, хоҳиш-истак ва чеклашларни танлашни тақозо этишини англатади.
Кадрлар таркибини шакллантиришда ташқи муҳитга муносабатига кўра ташкилотнинг очиқлик даражаси бўйича кадрлар сиёсати:

• 
  очиқ сиёсат;
  
• 
  ёпиқ сиёсат бўлиши мумкин.
  

Уларнинг қиёсий тавсифи 2.2- жадвалда келтирилган.