2- mavzu: Oliy ta’lim tizimini rivojlantirish ning zamonaviy tendensiyalari

2.3.Ta’lim soxasida boshqaruv strategiyasi va rivojlantirishning zamonaviy tendensiyalari.
Oliy ta’limda maqsadga erishish strategiyasini ishlab chiqish. Strategiyani ishlab chiqishda asosiy boshqaruv muammosi, ya’ni tashkilot ahvolini hisobga olgan holda samarali natijalarga va uning istiqboliga qanday erishish belgilanadi. Strategiya natijalarga erishish vositasi hisoblanadi. Bunday harakat tarziga tashkilot, maqsad va vazifalarga erishish uchun rahbarlar amal o‘ilishi shart. Tashkilot strategiyasi asosiy boshqaruv vazifasini hal etishga yo‘naltirilgan o‘zaro bog‘liq harakatlar va ishga yondashuvlar majmuidan iboratdir.
Xar bir OTMni strategiyasi, qoidaga ko‘ra, quyidagi mutanosibliklardan iborat bo‘ladi:
- puxta o‘ylangan va maqsadga yo‘naltirilgan harakatlar;
- agar kutilmagan yo‘nalish yuzaga chiqsa va zarur bo‘lsa, unga javoban xatti-harakatlar, masalan raqobat tazyiqi sodir bo‘lsa va h. k.
Amaldagi strategiya tarxi 2.3- rasmda berildi.
Rasmdan ko‘rinadiki, yangicha vaziyat (o‘zgaruvchan sharoit)lar yuzaga kelishi natijasida rejadagi strategiya o‘zgarishi mumkin ekan. Ta’lim sohasidagi bunday vaziyatlarga fan, texnika, texnologiya, iqtisod, madaniyat, ta’lim va h. k.dagi yangi natijalarni; yangi qonunlar yuzaga kelishi yoki hukumat siyosatining o‘zgarishi; ta’lim xizmatiga bo‘lgan talabning o‘sishi va h. k.larni kiritish mumkin.

Амалдаги стратегия

Режадаги (ёки мўлжалдаги) стратегия

Шароит ўзгаришига мослашувчанлик муносабати

Ташқи ва
ички шароит
Ўзгарувчан
шароитга
мослашиш
2.8- rasm. Amaldagi strategiyaning yuzaga kelish tarzi.
Tashkilot strategiyasi bir vaqtning o‘zida ham rejadagi va adaptiv (moslashuvchan) hisoblanadi.
Tashkilot strategiyasini tez-tez "zargarona sozlash" yoki boshqarish odatdagi hol hisoblanadi. Bular tashqi va ichki o‘zgarishlar miqdori sezilarli darajada jamlanishi bo‘yicha amalga oshiriladi. SHuning uchun strategiya uzoq muddat mobaynida kamdan-kam holdagina o‘zgarmay qoladi. Biroq strategiyani tubdan o‘zgartirish kamdan-kam yuz beradi, qoidaga ko‘ra, tang vaziyatlardagina shunday bo‘lishi mumkin. Strategik ko‘ra bilish va vazifaning shakllanishi, maqsadning aniqlanishi va strategiyani qabul qilish, bu rivojlanish yo‘nalishini ishlab chiqish jarayonining asosiy vazifasi. Bular barchasi birgalikda strategik rejani tashkil etadi.