2- kurs III semestr

Muammoli masala misolida hamshiralik jarayonini yuritish
Shifoxonaga 2007 yil 29 may soat 12⁰⁰da bemor Sodiqov Sherzod Axrorovich quyidagi shikoyatlar: yuz qovoqlarda shish paydo bo’lishi, bel sohasida og’riq, siydik ajralishining kamayishi, siydikning qizil rangga kirishi, kuchli holsizlik, bosh og’rishi, bosh aylanishi, ko’ngil aynishi, qayt qilish, ishtaxasizlik, hansirash bilan murojaat qilib keldi.
Bemor Sodiqov Sherzod Axrorovich 1979 yil 10 oktyabrda tug’ilgan. Millati uzbek. Yashash manzili Samarkand shaxar. Sog’diana massivi 42/14 uy. Otasi, onasi, xotini, 1 ta o’g’li(2yosh) bilan birga yashaydi. Kasbi - elektrik.
Bemor o’zini 1 xaftadan beri kasal hisoblaydi. 1 hafta oldin angina bilan og’rigan lekin shifoxonaga murojaat qilmagan. Uy sharoitida davolangan. Boshidan kechirgan kasalliklari: O’tkir respirator virus infeksiya va angina.
Ob’ektiv tekshirganda: Bemor faol, umumiy ahvoli o’rta og’irlikda, bo’yi 178 sm, vazni 66 kg, tana harorati 38,5°C. Es hushi o’zida, savollarga to’liq javob beradi. Yuzi oqargan va shishgan, terisi oqimtir, toshmalar, yaralar yo’q. Teri osti yog’ kletchatkalari yaxshi rivojlangan, limfa bezlari o’zgarishsiz. Nafas olishi tez 1 minutda 28 marta, puls ritmik 1 minutda 94 marta Q/B 190/120 mm sim ustga teng, tili oq qarash bilan qoplangan, me'da va ichaklar sohasi palpatsiya qilib tekshirilganda og’riq sezadi, siydik ajratish kam, sutkalik diurez 300 ml. Qon tahlili: Gem-n 90 g/l, er 3,4, rang ko’r 0,9, ley 12,0, eozinofil 2, sigm-55, limfosit - 38, ECHT - 40 mm/soat, Hbs ag manfiy, bilirubin - 10. 26 mmol/l, qonda glyukoza miqdori 4,0, kreatinin 0,008 g/l, xolesterin 1,8 g/l umumiy oqsil 62 g/l.
Siydikning umumiy tahlili, sutkalik miqdori 300 ml, rangi qizil, solishtirma og’irligi 1028, oqsil 4 g/l, leykosit 2-3 ta, epiteliy 4-6 ta ko’ruv maydonida, eritrositlar 100 va undan ortiq.
Shifokor diagnozi: O’tkir diffuz glomerulonefrit. Nefrotik formasi.
1. Hamshira tashxisini qo’ying.
2. Hamshira parvarishi rejasini tuzing.