2- kurs III semestr

Perkussiya. Tekshirishning bu metodi yordamida hazm a’zolari chegarasi tekshiriladi. Bu usulda jigar va taloq , me’da pastki chegaralari, qorin bo’shlig’ida to’plangan suyuqlik va gaz, yuza joylashgan o’smalar bor-yo’qligi aniqlanadi.Me’da va ichak timpanik perkutor tovush beradi.
Auskultatsiya. Bu usul hazm a’zolari kasalliklarida qisman, ya’ni me’da chegarasini aniqlashda, ichak peristaltikasini eshitishda qo’llaniladi.Stenozlar va bitishmalar bor mahalda peristaltika kuchayadi. O’tkir peritonit paytida qorin bo’shlag’i ustida tovush hodisalari mutlaqo bo’lmaydi.
Laboratoriya tekshiruvlari. Qonning umumiy tahlili, qonni biokimyoviy tahlili, ahlatni bakterologik tekshirish va ahlatni gelmint tuxumlariga tekshirishlar o’tkaziladi.Ahlatni yashirin qon ketishiga tekshirishda bemorga tekshiruvdan oldin go’sht mahsulotlarini qabul qilmasligini, temir,vismut tarkibida bo’lgan dori vositalarini qabul qilmasligini tushuntirish kerak. Me’da shirasini tekshirishda fraktsion yo’l bilan olingan shiraning xar bir portsiyasi alohida idishlarda laboratoriyaga jo’natiladi va tekshiriladi.
Asbob-uskunalar yordamida tekshirish. Asboblar bilan tekshirish usullariga har-xil apparatlardan foydalanib tekshirishlar kiradi.
Me’da va o’n ikki barmoq ichak rentgenoskopiyasi. Rengenokontrast modda sifatida bariy sulfat emulsiyasi qo’llaniladi.Bemorni tekshiruvga hamshira tayyorlaydi. Bemor tekshiruvdan bir kun oldin (soat 20 dan keyin) ovqatlanmasligi va suyuqlik ichmasligi kerak. Bemor ovqatidan tekshiruvdan 3 kun oldin gaz hosil qiluvchi mahsulotlarni istisno qilish kerak.Kechqurun va ertalab , tekshiruvdan 2 soat oldin tozalovchi xuqna o’tkaziladi.
Rengenoskopiya yordamida me’da va ichaklardagi yallig’lanishni, anomaliyalarini, yara,rak, poliplarni, shuningdek chandiqli o’zgarishlarni anlqlash mumkln.
Ezofagogastroduodenoskopiya. Endoskop yordamida a’zolarning ichki yuzasini ko’zdan kechirish bilan tekshirish. Endoskopning biopsiya qiluvchi moslamasi bilan tekshirilayotgan a’zodan kichik bir bo’lak kesib olinib, gistologik tekshiruvga jo’natiladi.Bemor tekshiruvdan bir kun oldin kechqurun soat 18 dan keyin ovqatlanmasligi kerak.Tekshiruv ertalab nahorda o’tkaziladi. Bu usul qizilo’ngach, me’da va o’n ikki barmoq ichak shilliq qavatida yaralar, o’smalar, kengaygan venalar, chandiqlar, qonab turgan joyni aniqlash maqsadida o’tkaziladi.