2 – amaliy mashg’ulot mavzusi: Tana harorati, puls, qon bosim, nafas olish Reja

Inson tana harorati
Normal holatda, sog‘lom insonda tana harorati endokrin tizimi tomonidan boshqariladi, ya’ni gipotalamus va qalqonsimon bez gormonlari (T3 va T4, TTG gormoni) ta’siri ostida. Tana haroratiga jinsiy gormonlar ham ta’sir ko‘rsatadi. Shunday bo‘lsada, tana haroratining ko‘tarilishiga asosan infeksiya sabab bo‘ladi, haroratning pasayishiga esa organizmning zo‘riqishi, charchash, vitamin va mikro-makroelementlar yetishmasligi olib keladi.
Tana harorati graduslari
Inson – issiq qonli hisoblanadi. Bu degani, inson tana haroratini tashqi muhit faktorlari ta’siridan qat’iy nazar stabil ushlab turadi. Lekin, juda ham past haroratda organizm harorati ham pasayadi, yoki juda issiq ob havoda sharoitida organizm qizib ketishi ham mumkin. Bunga sabab, organizmning tashqi muhit haroratiga sezuvchanligidir, haroratning 2-3 gradusga o‘zgarishi ham organizmda moddalar almashinuvi, gemodinamika va nerv hujayralarida impulslarining o‘tishiga ta’sir etadi. Natijada qon bosimi oshadi, es-hushning yo‘qolishi va sudorgi (talvasa) holatlari kelib chiqishi mumkin. Tana haroratining pasayishi, ya’ni 30-32 °C​ da inson hushini yo‘qotishi kuzatiladi.