2- амалий машғулотнинг мавзуси: Ўзбекистон Республикаси Фавқулодда вазиятлар Давлат тизимининг фвдт тузилиши, вазифалари, куч ва воситалари

ФВДТнинг кундалик бошқариш органлари - бу ФВДТ нинг тегишли ҳудудий ва функционал кичик тизимларини ва уларнинг бўғинларини ҳар куни бевосита бошқариб турадиган бошқарув органлари бўлиб, улар қуйидагиларни ўз ичига олади:
1. Қорақалпоғистон Республикаси, вилоятлар ва Тошкент шаҳрининг Фавқулодда вазиятлар бошқармалари.
2. Шаҳарлар ва туманларнинг фавқулодда вазиятлар бўлимлари.
3. Объектларнинг фавқулодда вазиятлар бўлимлари.
4. Вазирликлар ва идораларнинг давлат назорат органлари.
5. Вазирликлар ва идораларнинг фавқулодда вазиятлар бўлимлари
6. Фавқулодда вазиятлар вазирлигининг республика худудларидаги вазиятларини бошқариш маркази.
7. ФВДТ раҳбар органларининг заҳирадаги бошқариш пунктлари (ЗБП).
8. Фавқулодда вазиятлар бошқармаларинннг тезкор-навбатчи хизматлари.
9. Вазирликлар, идоралар ва объектларнинг навбатчи-диспетчерлик хизматлари.
ФВДТнинг кундалик бошқарув органлари доимий дислокация пунктларида, шаҳардаги ва шаҳар ташқарисидаги ЗБП (Заҳирадаги бошқариш пунктлари) да жойлаштирилиб, тегишли хабар бериш воситалари, бирламчи маълумотни қайта ишлаш ва узатиш воситалари билан жиҳозланади ҳамда уларга юклатилган вазифаларни бажаришга доимий шайлигини таъминлаш.

Фавқулодда вазият давлат тизими ўз иш фаолиятини 3 та режимда олиб боради.
Кундалик иш фаолияти режимида барча ташкилотлар, объектлар ҳудудлардаги вазиятни кузатиш ва назорат қилиш амалга оширилади, куч ва воситаларни тайёрлашни такомиллаштириш, аҳолини муҳофазаланиш ҳаракатига ўргатиш ишлари олиб борилади.
Кучайтирилган ёки юқори тайёргарлик режимида фаолият кўрсатиш фавқулодда вазият юзага келиш хавфи туғилганда ёки шароит ёмонлашгани тўғрисида маълумот олинган тақдирда жорий этилади.
Фавқулодда вазият режимига, фавқулодда вазият содир бўлса, унинг оқибатларини тугатиш мақсадида ўтилади.
Давлат тизимининг бундай фаолият кўрсатиш режимларига кўрсатма бериш ҳуқуқи Республика Президенти Фуқаро муҳофазаси бошлиқлари (Ўзбекистон Республикаси бош вазири, Қорақалпоғистон Вазирлар махкамаси раиси, Тошкент шаҳри ва вилоятлар ҳокимлари) ваколатига киради.