2- амалий машғулотнинг мавзуси: Ўзбекистон Республикаси Фавқулодда вазиятлар Давлат тизимининг фвдт тузилиши, вазифалари, куч ва воситалари

1.ФВДТ республика даражасидаги бошқариш органларининг асосий вазифалари:
Ўзбекистон Республикаси Фавқулодда вазиятлар вазирлигининг вазифалари: - фавқулодда вазиятларни олдини олиш, бундай вазиятларда аҳоли ҳаёти ва соғлигини моддий ва маданий бойликларни муҳофаза қилиш, шунингдек фавқулодда вазиятлар оқибатларини бартараф этиш ва зарарини камайтириш юзасидан чоралар ишлаб чиқади, ҳамда амалга оширади; - аҳоли ва худудларни фавқулодда вазиятлардан муҳофаза қилиш соҳасидаги дастурлар ишлаб чиқилиши ва илмий тадқиқотларни амалга оширилишини ташкил этади;
- ўз ваколат доирасида вазирлик ва идоралар, корхона, муассаса ва ташкилотлар, мансабдор шахслар ва фуқаролар учун бажарилиши мажбурий бўлган қарорларни қабул қилади;
- бошқарув органларининг аҳолини ва худудларни муҳофаза қилиш кучлари ва воситаларининг фавқулодда вазиятлар шароитида ҳаракат қилишга тайёр бўлишини ташкил этади; - фавқулодда вазиятларни бартараф этиш кучлари ва воситаларини бошқаришни амалга оширади, бошқарув пунктлари, хабар бериш ва алоқа тизимларини тузади.
ФВДТ ҳаракатларини режалаштиришга ташкилий-услубий раҳбарликни Фавқулодда вазиятлар вазирлиги амалга оширади.
ФВДТнинг фавқулодда вазиятни тугатиш кучлари ва воситалари:
1. Фуқаро муҳофазаси қўшинлари.
2. Бевосита ва билвосита Фавқулодда вазиятлар вазирлигига бўйсунувчи тезкор ихтисослашган республика тузилмалари.
3. Вазирликлар ва идораларнинг ҳарбийлашган, профессионал авария-қутқарув ва авария қайта тиклаш бўлинмалари.
4. Маҳаллий ҳокимият органларининг (Қорақалпогистон Республикаси Вазирлар Кенгаши, вилоят, шаҳар ва туман ҳокимликлари) фуқаро мухофаза тузилмалари, Фавқулодда вазиятлар вазирлигининг қутқарув жамоалари.
5. Объектларнинг фуқаро мухофаза гурухлари.
6. Ҳудудлар ва объектларнинг ҳарбийлашган умумий ва махсус тузилмалари.
7. Қизил Ярим ой жамиятининг кўнгиллилар отрядлари, «Ватанпарвар» (мудофаага кўмаклашув ташкилотлари).


ФВДТнинг раҳбар органлари - бу аҳолини ва ҳудудларни фавқулодда вазиятдан муҳофаза қилиш масалаларини ҳал қилиш ваколати доирасига кирадиган қуйидаги давлат бошқарув органлари, маҳаллий ҳомият органлари ва объектлари маъмуриятлари:
а) Республика даражасида - Ўзбекистон Республикаси Фавқулодда вазиятлар вазирлиги, атроф-муҳит ҳолатини ва потенциал хавфли объектлар ҳолатини кузатиш ва назорат қилишга масъул вазирликлар ва идоралар, шунингдек таркибида кимёвий, портловчи, ёнгин хавфи бор ва бошқа хавфли объектлар;
б) Маҳаллий даража - Қорақалпогистон Республикаси Вазирлар кенгаши, вилоят, шаҳар ва туман ҳокимликлари;
в) Объект даражасида-корхоналар (муассасалар, ташкилотлар) маъмуриятлари.