№1–маъруза

Д-категория
- ѐнғинга ва портлашга хавфсиз ишлаб чиқариш. Бунда 
ѐнмайдиган материалларга совуқ ҳолатда ишлов берилади (йиғиш, ажратиш, 
ювиш цехлари). 
Е-категория
– портлашга хавфли ишлаб чиқариш. Ёнувчи газ ва бино 
ҳажмининг 5 % миқдорида портлашга мойил чанглар бўлган ишлаб чиқариш. 
Бундай муҳитда ѐнғинсиз портлаш содир бўлади.
 
Ҳосилни йигиштириб олишда ѐнғин хавфсизлиги тадбирларини 
таминлаш учун жавобгарлик иш бошқарувчиларига, ҳосилни йиғиштириш 
агрегатларидаги ўт ўчириш воситалари ва ѐнғинга қарши қурилмаларнинг 
техник ҳолати учун жавобгарлик эса ишлаб чиқариш участкаларининг 
раҳбарларига юклатилади. 
Корхонанинг раҳбари ҳар йили буйруқ билан (фермер хўжалик 
бошқаруви қарори билан) ўрим-йиғим техникаларини ѐнғинга қарши 
тайѐрлашда, ѐнғин-техник билимларни мустаҳкамлаш учун ўқишни ташкил 
этиш ва синов қабул қилиш, ѐнғин хавфсизлиги қоидаларига риоя қилиш 
бўйича инструктажлар ўтказиш учун жавобгар шахсни тайинлайди. 

---

139 
Ҳамма ходимлар ѐнғин - техник минимуми дастури бўйича ўқитилган ва 
бу бўйича синов топширган бўлишлари керак. Ёнғин-техник минимуми синов 
натижаси бўйича баҳолаш жадвали тўлғазилади. 
Ҳосилни йигиштириш ва озиқаларни тайѐрлашга жалб қилинган барча 
ишчи, хизматчиларга ѐнғин хавфсизлиги тадбирлари ҳақида инструктаж 
ўтказилади. Ўқиш ва инструктаждан ўтмаган шахслар бу ишларга 
қўйилмайди. 
Агар ўрилган донни бир йўла махсус сақланадиган жойга ташиб кетиш 
имконияти бўлмаса вақтинчалик дон хирмонлари ғалла майдонидан 100 м, 
бино ва иншоотлардан 50 м дан кам бўлмаган масофада жойлаштирилиши 
зарур. Дала шийпонлари ғалла майдонларидан, ғарам майдонларидан 100 м 
узоқликда жойлашиши ва атрофи 4 м дан кам бўлмаган кенгликда 
шудгорланиши керак. Давлат ѐнғин назорати инспектори фермер хўжалиги 
бўйича ушбу масаладаги масъул билан ҳосилни ўриб-йигиб олишда 
ишлатиладиган техникаларни қаровдан ўтказади. Қаров вақтида техниканинг 
созлиги ва ҳар бир комбайнни иккита ўт ўчиргич билан, 2

2 м ўлчамдаги 
кигиз, иккита швабра ва иккита бел, курак билан, тракторни ўт ўчиргич ва бел, 
курак билан, автомобилларни ўт ўчиргичлар ва бел, кураклар билан 
таъминланганлиги текширилади. 
Ғалла майдонида ѐнғин чиққанда кенг майдон бўйлаб тарқалишини 
олдини олиш мақсадида ғалла майдони 50 га дан ортиқ бўлмаган 
участкаларга бўлиниб атрофларидан 8 м кенгликда ғалла ўриб олинади ва 
ғалласи ўрилган жой 4 м кенгликда шудгорлаб чиқилади. Ғалла майдонини 
темир йўлга, ўрмонга, йўлларга, яқин участкалари эса 2 м кенгликда шудгор 
қилинади. 
Ўрим-йиғим агрегатлари яқинида шудгорловчи агрегат бўлиши зарур. 
Далада иш вақтида очиқ оловдан фойдаланишга рухсат берилмайди. 
Техникалардан ѐнилғи оқишини ўз вақтида тўхтатиш чақмоқ ва ўчиргичнинг 
соғлиғини доимий кузатиш лозим. Ҳар уч кунда двигателнинг чиқариш 
қувурлари ва чақмоқ ўчиргичлари қасмоқдан тозаланади. 

---

140 
Ўрим-йиғим вақтида агрегатда, ғалла майдонида ва сомон ғарамлари 
яқинида чекиш тақиқланади. Чекиш жойи ғарам ва комбайнлардан 30 м 
узоқликда жиҳозланади. Бу жой атрофи ҳайдалади ва сувли бочка билан 
таьминланади. 
Тракторлар ва комбайнлар учун вақтинчалик тўхташ жойи қурилишдан, 
хирмондан ва ғалла майдонларидан камида 100 м узоқликда ажратилади. 
Комбайнларни тунги тўхташ жойида улар орасидаги масофа 20 м дан кам 
бўлмаслиги керак. 
Сомонни ғарамлаш жойларида тўртта ўт ўчиргич, иккита сувли бочка, 
иккита сатил, тўртта бел, курак, тўртта швабра суянчиқсиз турадиган ва 
нарвон бўлиши керак. Сомон ғарамлари қурилишдан 50 м, темир йўлдан 150 
м, ўтиш йўлларидан 20 м ва электр узатиш тармоқлари сим ѐғочлардан 15 м 
дан кам бўлмаган масофада жойлаштирилади. Битта ғарамнинг асосини 
майдони 150 м
2 
дан, прессланган сомон ѐки пичан бостирмалариники эса 500 
м
2 
дан ошмаслиги керак. Ғарамлар яшиндан ҳимоялагичлар билан 
жиҳозланади. Ўримдан сўнг ғалла дон хирмонига, дон омборхоналарига 
тозалаш учун, намлиги 16 % дан ортиқ бўлганлари эса дон қуриткичларга 
келтирилади. Дон омборларига ѐнғинга қарши девор ва ѐнғинга қарши 
эшиклар ўрнатилади. 
Донни тозаловчи комплексларда ва дон қуриткичларга хизмат 
кўрсатишга 18 ѐшдан кичик бўлмаган, ѐнғин техник минимуми дастури 
бўйича ўқитилган ва махсус тайѐргарликни ўтаган ва бундай агрегатларда 
ишлаш ҳуқуқини берувчи гувоҳномага эга бўлган шахсларга рухсат берилади. 
Дон омбори ва ҳаракатланувчи қуритиш агрегати орасидаги масофа 10 м 
дан кам бўлмаслиги керак. Донни ҳарорати ҳар икки соатда назорат қилиниб 
турилади.