1938-yilgi Myunxen kelishuvi

1933-yilda Germaniyada A. Gitler boshchiligidagi national-sotsialistik ishchi partiyasi hokimiyatga keldi. U Germaniyaning Birinchi jahon urushidagi mag’lubiyati uchun o’ch olishni o’z oldiga maqsad qilib qo’ygan urush partiyasi edi.
1938-yilgi Myunxen kelishuvi. Avstriya anshlyus qilingandan keyin Germaniya Chexoslovakiyani bosib olishga tayyorlana boshladi. Chexoslovakiyaning Sudet viloyati aholisining ko’pchiligini nemis millatiga mansub kishilar tashkil qilardi. Gitler bu viloyatning Chexoslovakiyadan Germaniyaga o’tkazilishini talab qilardi. Buyuk Britaniya va Fransiya bosimi ostida Chexoslovakiya hukumati Germaniyaning talabini bajatrishga majbur bo’ldi. Chexoslovakiyaning kapitulyatsiyasi 1938-yil 29-sentabr kuni Myunxenda rasmiylashtirildi.
Myunxen kelishuvidan so’ng ikkita frontda urush olib borishni istamagan SSSR bilan Germaniya manfaatlari vaqtincha mos tushdi. Bu 1939-yil 23-avgustda 10 yil muddatga o’zaro urush qilmaslik to’g’risida Sovet-German paktining (Molotov-Ribbentrop pakti) imzolanishiga olib keldi.
Ikkinchi jahon urushining boshlanishi. 1939-yil 1-sentabr kuni Germaniyaning Polshaga bostirib kirishi bilan Ikkinchi jahon urushi boshlandi va 1945-yil 2-sentabrgacha davom etdi. Polshaga yordam berishni va’da qilgan Buyuk Britaniya va Fransiya 3-sentabr kuni Germaniyaga urush e’lon qildi.
Sovet rahbarlari paytdan foydalanib qoldi. 1939-yil 17-sentabr kuni Polshaga sovet qo’shinlari kiritildi. Germaniya bilan SSSR o’rtasida do’stlik shartnomasi imzolanib, unda Polsha davlati siyosiy xaritadan butunlay o’chirib tashlandi.
1939-1940-yillarda sovet-fin urushi bo’lib o’tdi. Sovetlar juda katta yo’qotishlar evaziga Kareliyani Viborg shahri bilan birga SSSR tarkibiga qo’shib oldi. Ammo tezkor g'alaba qi lish va Finlandiyani qaram davlatga aylantirish rejasi amalga oshmadi. SSSR tajovuzkor davlat sifatida Millatlar Ligasi tarkibidan chiqarildi. 1940-yil martda SSSR Finlandiya bilan sulh tuzishga majbur bo’ldi.
1940-yil sentabrda Germaniya, Yaponiya va Italiya o’rtasida harbiy hamkorlik to’g’risida kelishuv – Uchlar pakti imzolandi. Tez orada bu paktga Vengriya, Ruminiya, Slovakiya va Bolgariya ham qoʻshildi.