192-su'wret. Ulıwma awqatlanıw mákemeleriniń kompozitsiyaviy jaylastırıw sxeması

Birinshi razryadlı mıymanxananıń jasaw bólegi joqarı, birinshi, ekinshi hám úshinshi razryadlı xanalarden ibarat bolıp, olardıń keminde 80% i bir hám eki orınlı bolıwı kerek. Mıymanxanada birinshi túrdegi restoran, kafe, bar hám tolıq xızmet kórsetiwshi xanalar kompleksi iskerlik kórsetedi. Sonıń menen birge, kino úskeneli konferens-zal hám jeke avtomobiller ushın garajlardıń bar ekenligi maqsetke muwapıq.
Ekinshi razryadlı mıymanxanalardıń jasaw bólegi birinshi, ekinshi, úshinshi hám tórtinshi razryaddaǵı xanalardan shólkemlestiriledi hám olardıń keminde 60% i bir hám eki orınlı bolıwı kerek. Mıymanxanada ekinshi túrdegi restoran, kafe yamasa bufetler iskerlik kórsetiwi zárúr.
Sonıń menen birge, ulıwma vannalar yamasa dushlar hám sanitariya uzelleri, zárúrli xizmet kórsetiw xanaları hár bir qabatda bolıwı kerek.
Úshinshi razryadlı mıymanxananıń jasaw bólegi ekinshi hám tórtinshi razryadlı xanalardan hám ulıwma jasaw xanalarınan ibarat (jataqxana). Mıymanxanada kafe yamasa óz-ózine xızmet etetuǵın asxana, bufet, ulıwma vannaxana yamasa dushlar bolıwı zárúr.
Tórtinshi razryadlı mıymanxanalardıń jasaw bólegi úshinshi hám tórtinshi razryadlı hámde ulıwma jasaw xanalarınan ibarat boladı. Bir hám eki orınlı xanalardiń sanı shegaralanbaydı.
Mıymanxanalar belgilengen wazıypasına hám paydalanıw xarakterine kóre tómendegi tiplerge bólinedi: ulıwma tiptegi, dem alıw ornı, sayaxatshılıq, sportshılar ushın, waqtınsha toqtap ótetuǵın jolawshılar ushın, avtoturistler ushın motellar hám basqalar. Bulardıń barlıǵı ayriqsha ózgesheliklerge iye bolıp, proektlestiriwde olardı itibarǵa alıw zárúr.
Ulıwma tiptegi mıymanxanalar barlıq puqaralardı, atap aytqanda, delegaciyalardı, mıymanlardı, xızmet sapardaǵılardı, sportshı-turistlerdi hám basqalardıń zárúriyatın qandırıwı kerek. Sol sebepli miymanxanalar túrli kategoriyalarǵa hám túrli xanalar sistemasına iyelewi múmkin.
Dem alıw ornılar mıymanxanaları tábiyattıń tábiy, shıraylı awlaq jerlerinde, teńiz, dárya, tawlar, kóller yamasa ormanzarlar qasında qurıladı.