19-mavzu. Bilimlar menejmentstrreplA

KORXONA ICHIDAGI BOSHQARUV TIZIMI

Bugungi firmalar ham strukturalashgan ham yarim strukturalashgan bilim vositalarini tashkil qilishga va boshqarishga ehtiyoj sezadilar. Strukturalashgan bilim aniq bilim bo’lib rasmiy hujjatlarda mavjud bo’ladi. Lekin ekspertlarning fikriga ko’ra tashkilotlar biznesining kamida 80 % i yarim strukturalashgan yoki strukturalashmagan— papkalardagi axborotlardan, xabarlar, bayonnoma, taqdimnoma, e-maillar, grafiklar, elektron prezentatsiyalar va hattoki turli xil formatlarda yaratilgan videolardan tashkil topadi.

Korxona ichidagi boshqaruv tizimlari tashkilotlarga 2 xil turdagi axborotlarni boshqarish imkonini beradi. Ular bilimlarni egallash, saqlash, qayta ishlash, tarqatish va boshqa imkoniyatlarga ega bo’lib firmalarga ish jarayonlarini va qaror qabul qilishni kuchaytirishga yordam beradi. Bunday tizimlar o’z ichiga hujjatlar, hisobotlar, taqdimotlar va eng yaxshi amaliy dasturlar omborini oladi, shuningdek elektron pochta kabi yarim strukturalashgan bilimlarni yig’ish va tashkil qilish imkonini yaratadi. Korxona ichidagi ko’pgina boshqaruv tizimlari foydalanuvchilarga tashqi axborot manbalaridan masalan yangiliklar, tadqiqotlar, elektron pochta orqali muloqot, hat, tezkor xabarlashish, videokonferensiyalardan foydalanish imkonini beradi. Ular bloglarni, wikilar va korxona ijtimoiy tarmoq vositalarini ham o’z ichiga ola boshladi. Open Text Corporation, EMC (Documentum), IBM va Oracle Corporation kabilar korxonanini boshqarish dasturlarining yetakchi sotuvchilaridir.