18- mavzu. Innovasiya faoliyatini moliyalashtirish

Innovasiyalarga qaratilgan investisiyalar. Ilmiy va innovasiya faoliyati tushunchasi.

Kreditning o‘ziga xos xarakterli belgisi - bu chetda bo‘sh turib qolgan pul mablag‘larini xarakatga keltiradi va kengaytirilgan takror zamonaviy ishlab chiqarish jarayonini va yangi texnolgiyalar bilan qayta qurollantirishda doimiy pul mablag‘lari bilan ta’minlab boradi. Bu esa kredit tizimiga mamlakat iqtisodiyotining iqtisodiy potensialini yanada oshirish uchun qo‘shimcha vazifalar yuklaydi. Shuning uchun mamlakatda kredit tizimining kredit potensialini oshirish, uning iqtisodiyotdagi roli va samarasini oshirish asosan mazkur tizimning asosiy ish faoliyatidagi qonunchiliklarni jahon iqtisodiyotiga mos adaptirovat qilish va kengaytirish; shuningdek, mamlakatdagi pul – kredit siyosatini zamonaviy omillarni hisobga olgan xola doimiy takomillashtirib borish asosiy va muhim ahamiyatga egadir. Mazkur masalaga O‘zbekiston Respublikasi Prezidenti I.A. Karimov “Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasi” nomli ma’ruzasida “Yuqorida ta’kidlab o‘tilgan g‘oyat muhim ahamiyatga molik qonunlarni takomillashtirish bilan birga, O‘zbekistonda amalga oshirilayotgan bozor islohotlarining sur’ati va mantiqiy talablaridan kelib chiqqan holda, erkin bozor iqtisodiyoti munosabatlarini yanada rivojlantirishga xizmat qiladigan bir qator qonunlar qabul qilishni hayotning o‘zi taqozo etmoqda. «Kredit byurolari faoliyati va kredit axboroti almashuvi to‘g‘risida», «Garov reyestri to‘g‘risida», «Rieltorlik faoliyati to‘g‘risida», «Investisiya va pay fondlari to‘g‘risida», «Innovasiyalar va iqtisodiyotni modernizasiya qilish to‘g‘risida»gi va boshqa yangi qonunlar shular jumlasidandir”¹ deb uning ahamiyatiga aloxida e’tibor berib o‘tdilar.

Imtiyozli kreditlar berish uchun tijorat banklarida imtiyozli kreditlash maxsus jamg‘armasi tashkil etildi, bu mabalag‘larni asosan respublikamizning viloyat va rayonlardagi yuqori texnik va texnologiya va innovasiyaga asoslangan loyixalar uchun kichik korxonalar, mikrifirmalar, dexqon va fermer xo‘jaliklarga ajratiladi.

O‘zbekiston Respublikasi Prezidentining 2017 yil 7 fevraldagi №4947 farmoniga asosan qurilish materiallarini innovasion turlaridan hamda zamonaviy ilg‘or texnologiyalar va usullardan foydalangan holda avtomobil yo‘llari sifatini yaxshilashni belgilovchi standartlarni takomillashtirish;

-yer resurslaridan samarali va oqilona foydalanish, intensiv bog‘dorchilikni rivojlantirish, tomchilatib sug‘orish tizimi asosida qishloq xo‘jaligi ekin maydonlarini kengaytirish, bevosita mahsulot yetishtirish hududida innovasion texnologiyalarni joriy qilish hisobiga qurilish-montaj ishlarini amalga oshirish tizimini takomillashtirish² ustivorlik sifatida belgilab berildi.