17 мавзу Қўшимча маърузалар (мустақил тайёрланишда ёрдам учун)

Қишлоқ хўжалик фитопатологияси Сабзавот экинларининг касалликлари

• ПИЁЗНИНГ
• СОХТА УН-ШУДРИНГ
• (МИЛЬДЬЮ, ПЕРОНОСПОРОЗ)
• КАСАЛЛИГИ

Қишлоқ хўжалик фитопатологияси Сабзавот экинларининг касалликлари

• ПИЁЗНИНГ СОХТА УН-ШУДРИНГ КАСАЛЛИГИ
• Касалликни Peronospora schleideniana оомицет замбуруғи қўзғатади. Қўзғатувчининг белгилари. Конидиофоралар барг тешикчаларидан биттадан ёки гуруҳларда чиқади, устки қисмида 3-7 карра дихотомик, баъзан симподиал шохланган, ўлчами 300-750х12 мкм (кўпинча 330-410х11,6 мкм), таг қисмининг эни 15-18 мкм. Конидиялар 1 ҳужайрали, тухум шаклли, кулранг-бинафша рангли, ўлчами 23-60х19-35 мкм (кўпинча 41-53х23-24 мкм). Оогонийлари думалоқ, қобиғи юпқа; ооспоралари думалоқ ёки эллипсоид шаклли, қобиғи силлиқ ёки ғижимланган шаклли, диаметри 25-35 мкм.
• Замбуруғ пиёзни, кам ҳолларда саримсоқни зарарлайди. Патоген пиёзбошларда уларни чиритмасдан, мицелий шаклида ва ўсимлик қолдиқларида ооспоралари ёрдамида қишлайди. Уруғлик олиш учун экилган пиёзбоши ўсганида касалликнинг диффуз шакли ривожланади: ўсимлик билан бирга замбуруғнинг мицелийси ҳам ўсади ва барча тўқималарга тарқалади.

Қишлоқ хўжалик фитопатологияси Сабзавот экинларининг касалликлари

• ПИЁЗНИНГ СОХТА УН-ШУДРИНГ КАСАЛЛИГИ
• Касал ўсимликнинг барглари оч-яшил, сўнгра сарғиш тус олади, устида олдин оқ, кейин кулранг-бинафша тус олувчи юпқа моғор қатлами ҳосил бўлади; деярли ҳамиша патогеннинг моғори устида қора моғор ҳосил қилувчи иккиламчи сапротроф замбуруғлар ривожланади. Зарарланган барглар сарғаяди ва сўлади, ўқбарглар синади. Диффуз зарарланган ўсимликларда кўплаб споралар ривожланади, улар шамол билан тарқалади ва шабнам ёки ёмғир томчилари мавжудлигида соғлом экинларни зарарлайди. Ўсув даврида патоген 7 тагача авлод беради.