16-модуль. Туризм ва меҳмонхона хўжалигида стратегик бошқарув ва хизмат кўрсатиш жараёнларини бошқариш (4-соат)

2. Меҳмонхона ва ресторан фаолиятини стратегик режалаштириш.
Стратегик режалаштириш алоқа боғланган учта вазифани ичига олади: корхонанинг асосий вазифасини белгилаш; асосий вазифани бажариш учун узоқ муддатли мақсад ва қисқа муддатли вазифаларни белгилаш; қўйилган мақсадларга эришиш стратегияни ишлаб чиқиш.
Стратегик режа;
- бу қандай корхона,
- у нима билан шуғулланади, қайси соҳада иш юритади,
- корхона қандай қилиб ривожланмоқчи каби саволарга жавоб бериши керак.
Меҳмонхона ва рестораннинг асосий вазифасини белгилаш рахбарият томонидан белгиланади, уни иложи борича аниқ рақамларда акс эттириш ва ҳар бир бўлинманинг олдига, умумий вазифасига мос келувчи аниқ мақсадлар белгилаб берилиши керак. [22]
Мақсаднинг қўйилиши умумий қабул қилинган услубиятларга нисбатан санъатга асослангани муносабати билан стратегияни ишлаб чиқишда юқори даражада ишлаб чиқилган механизм қўлланилади.
Тармоқни таҳлил қилишда қуйидаги масалаларни ечишни кўзда тутилади:
- тармоқнинг бош иқтисодий таснифини аниқлаш;
- тармоқни ривожлантиришга таъсир этувчи кучларни аниқлаш;
- рақобатбардошлик кучларини баҳолаш;
- тармоқда корхонанинг рақобатбардошлик кучларини баҳолаш;
- яқин рақобат корхоналарининг эҳтимол ҳаракатларини аниқлаш;
- муваффақиятли таянч омилларини аниқлаш;
- тармоқни истиқболда ривожланишини баҳолаш.
Корхонанинг ҳолатини таҳлил қилиш қуйидаги муамоларни ечишга йўналтирилган:
- мавжуд корхона стратегияси ўз позициясини юксалтиришга ишлаётганини баҳолаш;
- СWОТ таҳлилини ўтказиш (корхонанинг кучли ва бўш томонларини, ташқи муҳит ўзгариши билан боғлиқ, хавф ва имкониятлари);
- корхонанинг рақобатбардошлик ҳолатининг қиёсий баҳолаш;
- рақобатчилар ва корхонанинг харажат таркибини қиёсий баҳолаш;
- корхонанинг стратегик альтернативини аниқлашда иккита таянч муаммолари мавжуд:
1. Стратегияни ўзгартириш учун реал имкониятларни аниқлаш;
- қабул қилинган стратегияни яхшилашда чегаранинг мавжудлиги.
2. Рақобатнинг афзалликларини яратиш имконини берувчи стратегия ўзгаришининг йўналишларини аниқлаш.