16-ma‘ruza. Elektr himoya vositalarining turlari, ularga qo‘yiladigan talablar va foydalanish qoidalari reja: 1

5. Ko‘chma yerga ulagichlar
Ko‘chma yerga ulagichlar, ishchilar o‘chirilgan tok o‘tkazuvchi qismlarda ishlayotganda, xatolik bilan berilgan yoki tashqi elektr kuchlanish ta‘sirida paydo bo‘lgan kuchlanishdan himoya qilish uchun ishlatiladi (39-rasm).
Ko‘chma yerga ulagichlar yerga ulovchi simlarga ulash uchun xizmat qiluvchi qisqich (qisma)dan, yerga ulovchi va uskunaning barcha fazalari tok o‘tkazuvchi qismlarini o‘zaro tutashtiruvchi simdan hamda yerga ulashga yoki yerga ulangan konstruksiyaga ulashga mo‘ljallangan uchlik yoki strubsinadan tashkil topgan.
Har bir fazaga alohida ko‘chma yerga ulagichni qo‘llashga ruxsat beriladi.
Ko‘chma yerga ulagichlar, quyidagi talablarni qanoatlantirishi shart:
1. Ular yalang‘och egiluvchan qo‘p tolali mis simdan tayyorlanishi va kesimi bir fazali yoki fazalararo qisqa tutashuv jarayonida termik bardoshlik talablarini qanoatlantirishi kerak.
Lekin kuchlanishi 1000 Voltdan yuqori bo‘lgan elektr uskunalari uchun simning kesim yuzasi 25 mm² dan, hamda kuchlanishi 1000 Voltgacha bo‘lgan elektr uskunalari uchun esa, kesim yuzasi 16 mm² dan kam bo‘lmasligi zarur.
Mis simlar kesimini termik bardoshligi bo‘yicha tanlab olishda boshlang‘ich haroratni 30°S, yakuniy haroratni 850°S qabul qilishga ijozat beriladi.