16-bap. Miynet haqisin esaplaw ha`m to`lew procesinin` auditi

16-BAP. MIYNET HAQISIN ESAPLAW HA`M TO`LEW PROCESININ` AUDITI
16.1. Miynet haqı boyınsha esaplasıwlar auditi

Is haqı jumısshılar dáramatınıń tiykarǵı deregi bolıp, kárxana xızmetiniń juwmaqlawshı nátiyjesin esapqa alǵan halda hár bir jumısshınıń miynetke qosqan úlesi menen belgilenedi.

Is haqı ónim islep shıǵarıw xızmet kórsetiw hám jumısshılar orınlawǵa ketken qárejetlerniń úlken bólegin quraydı.

Demek is haqı óndiris qárejetleriniń úlken bólegi sıpatında ónimniń ÓTBnıń qáliplesiwine hám eń sońǵı nátiyjesinde kárxananıń finanslıq nátiyjesine tásir etedi.

Miynetke haqı tólew hám miynet resurslarınan paydalanıwdıń audit wazıypaları miynet nátiyjelerin asırıwǵa baǵdarlanǵan miynetti nátiyjeli shólkemlestiriwge kómeklesiw. Sol maqsette audit baǵdarında kárxananıń jeke quramı, miynet intizamı jaǵdayı, jumıs waqtınan nátiyjeli paydalanıw, miynetke haqı tólew fondınan paydalanıw tekseriledi.

Iskerliktiń usı uchastkası audit ótkerilgende tómendegilerden paydalanıladı: Miynet hám is haqı boyınsha normativlik hújjetler, kárxanada esaplanǵan jumısqa baylanıslı hám waqıtqa baylanıslı haqılar, kontraktler, jámáát shártnamaları, shtat jurnalı, jumısqa qabıl etiw hám bosatıw haqqında buyrıq hám qararlar, jumıs waqtınan paydalanıw tabeli, ónim islep shıǵarıw hám orınlanǵan jumıslardıń dáslepki esabın alıp barıwshı naryad jónelis betleri, raport registraciya hám sol kibi hújjetler, is haqını esaplaw hám tólew vedomostı, deponentlestirilgen is haqı betleri hám basqa da schyotlar hám de 10 hám 10-1 sanlı jurnal-order maǵlıwmatları.