14-mavzu: Mafkuraviy tarbiya: muammo va yechimlar

Maktabgacha ta’lim muassasalari, bevosita ta’lim beruvchi muassasalar (maktablar, litsey, kasb-hunar kollejlari, oliy o‘quv yurtlari) makfuraviy tarbiyaning asosiy o‘choqlaridir.

Mafkuraviy tarbiyaning ma’naviy-ma’rifiy vazifalari haqida gap borganda, ommaviy axborot vositalari, fan, adabiyot, san’atning bunyodkor g‘oyalarni amalga oshirishdagi o‘rni, barkamol avlodni tarbiyalash va Kadrlar tayyorlash milliy dasturini amalga oshirishning g‘oyaviy omillari nazarda tutiladi.

Ommaviy axborot vositalari – eng asosiy, qudratli va ta’sirchan mafkura vositasidir. Chunki ommaviy axborot vositalari ommani o‘ziga xos tarbiyachisi bo‘lib, dolzarb muammolarni hal qilishning ta’sirchan quroli bo‘lib xizmat qiladi. Aynan ommaviy axborot vositalari orqali milliy qadriyatlar, milliy g‘oya va demokratik tamoyillar targ‘ib-tashviq qilinadi. Totalitar tuzumda ommaviy axborot vositalari axborot uzatish vositasi va yakkahukmron g‘oyani singdirish quroli bo‘lib xizmat qilganligini ham yaxshi bilamiz.

Oxirgi paytlarda informatsion xurujlarning tez-tez uyushtiralayotgani aslida urushga munosabatning o‘zgarganidan, qurolning yangi turi kashf qilinganidan darak beradi. Bu qurol – axborotdir. Shu ma’noda aksiltarg‘ibot «g‘oyaga qarshi g‘oya bilan kurashish» tamoyiliga mos ravishda olib borilishi kerak. Bunda davlatimiz siyosatiga qarshi kuchlarning g‘oyaviy hujumlarini qaytarish talab etiladi. Bunda ommaviy axborot vositalarining roli beqiyosdir.

Mafkuraviy tarbiyani shakllantirishda fanning, xususan,