14-ma`ruza. Mitsellani distillyatsiyalash jarayonini avtomatlashtirish. Ma`ruza rejasi

39-ma`ruza. Ishlab chiqarish binolarida havoni konditsiyalash va ventillyatsiyalash jarayonini avtomatlashtirish
Ma`ruza rejasi:

1. 
   Ishlab chiqarish binolarida havoni konditsiyalash va ventillyatsiyalash jarayonining tavsifi;
   
2. 
   Ishlab chiqarish binolarida havoni konditsiyalash va ventillyatsiyalash jarayoni asosiy texnologir parametrlari;
   
3. 
   Ishlab chiqarish binolarida havoni konditsiyalash va ventillyatsiyalash jarayonining avtomatlashtirishning funksional sxemasi.
   

Ishlab chiqarish binolarida havoni talab darajada saqlanishini ta`minlash jarayonini borishi hamda unga xizmat ko`rsatadigan kishilar uchun muhim ahamiyat kasb etadi. Buni amalga oshirish uchun havoni konditsiyalash va ventillyatsiya qilish tizimlari ko`zda tutilgan.

Binodan chiqariladigan havoning ma`lum qismi atmosferaga, ma`lum bir qismi esa aylanma quvur orqali konditsionerga beriladi. Konditsioner retsirkulyatsiyalangan va tashqi havo aralashmasi bilan, yoki faqat tashqi havo bilan ishlaydi. Havoning nisbiy namligi binoning ichida kirib kelayotgan havoning temperaturasini rostlash bilan shudring nuqtali usulda aniqlanadi. Temperaturani rostlash uchun proportsional pnevmatik termoregulyator TEE dan foydalanilgan bo`lib, u pnevmatik ijrochi mexanizm ishini boshqaradi. IM dastlabki qizdirish kaloriferiga beriladigan issiq suvni boshqaradi. (qishki paytda) tashqi va retsirkulyatsiya havolari klapanlarini hamda sovuq suvni havo sovutgichiga beradigan klapanlarni boshqaradi (yozgi mavsumda).

Konditsionerni bir rejimdan ikkinchi rejimga avtomatik ravishda o`tkazish boshqaruv shitida o`rnatilgan pnevmatik signallar o`zgartgichi yordamida amalga oshiriladi.

Konditsionerni faqat tashqi havo bilan ishlashida chiqarib yuboriladigan va tashqi havoni o`tkazidigan klapanlarni to`liq ochish uchun xamda retsirkulyatsiya (qaytib ishlatiladigan) havo klapanini to`liq yopish uchun masofadan boshqariladigan boypas panelidan foydalaniladi. Kaloriferdan keyingi issiq suv hamda kaloriferdan oldingi havoni temperaturasini nazorat qilish uchun elektr kontaktli termosignalizator ko`zda tutilgan (TIG).

Havoni so`rib olish va chiqarish ventilyatorlarining unumdorligini rostlash uchun MEO-1,6/60 rusumli elektrik ijrochi mexanizmlar bilan jihozlangan yo`naltiruvchi apparatlardan foydalaniladi.

Yo`naltiruvchi apparatlar holatini ijrochi mexanizm shturvali yordamida qo`l bilan ham o`zgartirish mumkin.

VVU-40 M va VVU-60 M rusumli ventilyatorli namlash qurilmasi to`qimachilik korxonalarida keng qo`llanilib, nazorat o`lchov asboblari, avtomatlashtirish vositalari va elektr jihozlari bilan ta`minlangan.

Bu qurilmalarda temperaturani shudring nuqtasini berilgan qiymatlarida ushlab turilishini avtomatik rostlash ko`zda tutilgan bo`lib,, unda havoni aralashtirish kamerasida, ikkinchi qizdirish kaloriferida hamda binoda havoni temperaturasini rostlash uchun PTR-3 rusumli 3 pozitsiyali termorostlagich, SIP-01 rusumli impul’s uzib borgich va PR-1M elektrik ijrochi mexanizm rostlash organlaridan foydalaniladi.



53-rasm. Konditsionerlash jarayonini avtomatlashtirishning funktsional sxemasi