14-маъруза. Мавзу: Катта пролётли зал хоналар томларининг юк кўтарувчи конструкциялари

14.3-расм. "Кисловодск" типидаги фазовий ўзаро кесишган стерженли металл конструкция: 1 - устки пояс элементлари; 2-остки поясэлементлари; 3-ҳовонлар (диагонал стерженлар); 4 - устунқош.



14.4-расм. “Структура” да стерженларнинг коннектор ёрдамида бирикиши (план).


Металл прокатлардан қилинадиган структураларда стерженларни махсус фасонкалар воситасида болтлар ёки пайвандлаш ёрдамида бириктирилади. Бу ечим кўп меҳнат талаб қилади ва стерженларни бириктиришда аниқликни таъминлаш анча мураккаб кечади.
Структурада остки пояс устки поясга нисбатан ячейканинг ярмига бино ичига сурилади (14.3-расм). Устки ва остки пояслардаги тугунлар қия диагонал жойлашган элементлар - ҳовонлар ёрдамида бириктирилади.
Структуралардан одатда устунлар кўринишида қилинадиган таянчларга тушадиган зўриқишларни яхши тақсимлаш учун уларни устунларга 4 та қия стерженлардан ташкил топадиган махсус устунқош (капитель) ёрдамида таянтирилади (14.3-расм).
Структуралар устидан том қилиш учун металл ёки ёғоч чорчўплардан фой-даланиб тайёрланадиган шитлар, профилланган пўлат листлардан қилинган настиллардан фойдаланилади. Уларни коннекторга маҳкамланган швеллерлар-га таянтириш керак. Том элементларини бевосита структура стерженларига таянтириш мумкин эмас, чунки улар фақат ўқ бўйлаб йўналган зўриқишларга ишлайдилар.
Ўзаро кесишган стерженли фазовий конструкциялар консолли ёки консолсиз бўлиши мумкин. Стерженларнинг номинал узунлиги одатда 3 м қабул қилинади. Бунда конструкциянинг баландлиги 2,2 м ни ташкил қилади. 30x30 ва 36x36 м пролётларни ёпиш учун типовой конструкциялар ишлаб чиқилган. Умуман олганда, пролёт 100 м ва ундан ортиқ бўлиши ҳам мум-кин. Бундай ҳолларда конструкциянинг бадандлиги h нинг пролёт L га нисбати конструкция консолсиз бўлганда 1/15...1/25 оралиғида, консолли бўлганда эса 1/30...1/35 оралиғида қабул қилинади. Консолнинг қулочи (кон-струкциянинг таянчдан ташқарига чиқиб турган қисмининг узунлиги) L_K ва пролёт L орасидаги нисбат эса 1/4...1/8 оралиғида бўлгани маъқул. На-зарий жиҳатдан олганда структураларнинг устки ва остки поясларининг тўри квадрат, учбурчак ёки олти бурчак системаларда бўлиши мумкин.
Бундай ҳолларда конструкциянинг бадандлиги h нинг пролёт L га нисбати конструкция консолсиз бўлганда 1/15...1/25 оралиғида, консолли бўлганда эса 1/30...1/35 оралиғида қабул қилинади. Консолнинг қулочи (конструк-циянинг таянчдан ташқарига чиқиб турган қисмининг узунлиги) L_K ва пролёт L орасидаги нисбат эса 1/4...1/8 оралиғида бўлгани маъқул. Назарий жиҳатдан олганда ст-руктураларнинг устки ва остки поясларининг тўри квад-рат, учбурчак ёки олти бурчак системаларда бўлиши мумкин.
Букма конструкциялар - юпқа деворли конструкциялар бўлиб, бир-бири билан маълум бурчак остида монолит қилиб бириктирилган ясси плиталардан иборат бўлади. Букма конструкцияларнинг темирбетон ёки армоцемент плиталарини ёқлар ва плиталар кесишишидан ҳосил бўлган чизиқларни қовурғалар деб аталади. Конструкциянинг кесими бир таянчдан иккинчи таянчгача ўзгармас бўлса, призматик букма конструкция деб аталади. Призматик букма конструкцияларнинг кесими асосан трапеция ва учбурчак шаклда бўлади (14.5-расм). Уларнинг баландлиги пролётнинг 1/10...1/20 қисмига тенг бўлиши мумкин.