14- маъруза: Симсиз тармоқларда хавфсизлиги

Симсиз глобал тармоқлар мобил иловаларнинг, улардан мамлакат ёки 
хатто континент масштабида фойдаланишни таъминлаш билан ишланишини 
таъминлайди. Иқтисодий мулохазаларга таянган холда, телекоммуникация 
компаниялари кўпгина фойдаланувчилар учун узоқ масофадан уланишни 
таъминловчи симсиз глобал тармоқнинг нисбатан қиммат инфратузилмасини 
яратадилар. Бундай ечимнинг харажати барча фойдаланувчилар ўртасида 
тақсимланади, натижада абонент тўлови унчалик юқори бўлмайди. 
Кўпгина телекоммуникация компанияларининг кооперацияси туфайли 
симсиз глобал тармоқларининг таъсир доираси чегараланмаган. 
Телекоммуникация хизматини таъмнловчиларнинг бирига тўлаб, симсиз 
глобал тармоқ орқали дунёнинг хар қандай нуқтасидан қатор Internet 
хизматидан фойдаланиш мумкин. 
14.4-
расм. Суний йўлдош асосида ҳосил қилинган WAN тармоқ 
Симсиз глобал тармоқ характеристикалари нисбатан юқори эмас, 
маълумотларни узатишнинг тезлиги 56 Кбит/с ни, баъзида 170 Кбит/с ни 
ташкил этади. 
Симсиз глобал тармоқларга хос иловалар Internetдан фойдаланишни, 
электрон почта хабарларини узатиш ва қабул қилишни, фойдаланувчи уйдан 
ёки офисдан ташқарида бўлганида корпоратив иловалардан фойдаланишни 
таъминловчи иловалардир. Абонентлар, масалан, таксида кетаётганларида ёки 

---

шахар бўйича сайр қилинаётганларида уланишни ўрнатишлари мумкин. 
Умуман, 
симсиз глобал тармоқдан фойдаланувчилар худудий 
чегараланмаганлар. 
Симсиз глобал тармоқлар технологиясини татбиқ этишдаги 
муаммолардан бири унинг бино ичидаги фойдаланувчилар учун боғланишни 
таъминлай олмаслиги. Чунки бундай тармоқ инфратузилмалари бино 
ташқарисида жойлашган ва радиосигналлар бинода айтарлича сусаяди. 
Симсиз глобал тармоқларни бино ичига ўрнатилиши эса қимматга тушади ва 
техник нуқтаи назаридан асосланмаган. 
Симсиз шахсий, локал, регионал ва глобал тармоқлар бир-бирини 
тўлдирувчи бўлиб, турли талабларни қондиради. Аммо, баъзида бир тармоқни 
иккинчисидан фарқлаб бўлмайди. Масалан, бино ичидаги симсиз локал 
тармоқ фойдаланувчи PDAси билан шахсий компьютерини симсиз шахсий 
тармоқ каби улашни таъминлаши мумкин. Турли симсиз тармоқлар орасидаги 
фарқни аниқлашда уларда ишлатиладиган технологиялар ва стандартлардан 
фойдаланишади. 
Агар фойдаланувчи нуқтаи назаридан истиқбол хусусида сўз юритилса, 
симсиз тармоқлар орасида чегаранинг йўқолиши шарт. Турли хил симсиз 
тармоқ ишини мададловчи компьютер қурилмалари тармоги интерфейсининг 
платалари пайдо бўлмоқда. Масалан, сайёхда ёки тижоратчида хам симсиз 
локал хам симсиз глобал тармоқ билан ўзаро алоқа қилувчи замонавий уяли 
телефон бўлиши мумкин.