13-Tema. Interaktiv usillardi texnologiya sabaqlarinda paydalaniw usılları Reje

Interaktiv grafik organayzerler. «Balıq skeleti», «BBB», «Konceptual grafik», «Venn diagramması», «T-keste», «Insert», «Klaster», «Ne ushın?», hám «Qanday» t.b. Interaktiv grafik organayzerlerdi ajıratıwda bunday shınıǵıwlarda tiykarǵı pikirler túrli grafik formalarda jazba kóriniste ańlatılıwına tiykarlanadı. Negizinde bul grafik organayzerler menen islew de kóbirek jaqtan interaktiv tálim metodlarına tiyisli bolıp, olardıń arasında basqasha ayırmashılıq joq.

Interaktiv tálim metodların kóbinese túrli formadaǵı oqıw shınıǵıwları texnologiyaları menen bir waqıtta qollanılmaqta. Bul metodlardı qollaw shınıǵıw qatnasıwshılarınıń belsendiligin arttırıp, tálim nátiyjeliligin jaqsılawǵa xızmet etedi.
Bul múnásibet penen joqarıdaǵı bólistiriw boyınsha házirgi ayırım interaktiv tálim metodlarınıń túrli formalardaǵı oqıw shınıǵıwları texnologiyaları menen bir waqıtta qollaw ushın qolaylıǵı shártli túrde tómendegi 1-kestede keltirildi.
Bul kestedegi ayırım interaktiv tálim metodlarınıń túrli formalardaǵı oqıw shınıǵıwları texnologiyaları menen qollaw ushın qolaylıǵı bir qansha shártli hám negizinde belgili oqıw shınıǵıwları texnologiyaları menen basqa kóp interaktiv metodlardı anıq maqsetler jolında qollaw múmkin ekenligin óz aldına aytıp otiw zárúr.
Ayırım interaktiv tálim metodlarınıń túrli formalardaǵı oqıw shınıǵıwları texnologiyaları menen qollanıw ushın qolaylıǵı

Oqıw shınıǵıwlar texnologiyası	Interaktiv metodlar hám tálim strategiyaları	Grafik organayzerler
Lekciya shınıǵıwları tálim texnologiyası	Erkin jazıw, tiykarlanǵan esse hám t.b	Klaster, BBB sızılması, T-sızılması
Seminar shınıǵıwlar tálim texnologiyası	Aqılıy hújim FSMU Blic-soraw, Blic-oyın hám t.b	Venn diagramması, Konceptual keste
Ámeliy shınıǵıwlar tálim texnologiyası	Oqıtıw boyınsha kollanba. Jazba hám awızeki sáwbet h.t.b	Insert kestesi. «Ne ushın» sızılması, «Qanday?» diagramması
Óz betinshe tálim texnologiyası	Túsiniklerin anıqlaw h.t.b	Balıq skeleti h.t.b
Keys-stadı tálim texnologiyası	Túsinikleri tiykarında tekst jazıw h.t.b	Bólistiriw kestesi h.t.b
Rejeli tálim texnologiyası	Shiyelenisken logikalıq shınjırlar izbe-izligi	Nilufar gúli h.b

Eń tiykarǵı didaktikalıq mashqalalardan biri tálim metodların tańlaw nelerge baylanıslı, degen másele.
Didaktikaǵa tiyisli ádebiyatlarda tálim metodların tuwrı tańlaw hám olardı qollaw nátiyjeliliginiń túrli faktorlar menen baylanıslılıǵı tómendegishe kórsetiledi:
- birinshiden, oqıw shınıǵıwlarınıń didaktikalıq maqsetleri hám wazıypalarına baylanıslı;
- ekinshiden, bayan etiletuǵın materialdıń xarakterine baylanıslı;
- úshinshiden, tálim alıwshılardıń bilimi hám rawajlanıw dárejesine baylanıslı;
- tórtinshiden, oqıw procesinde úyrenilip atırǵan pán tiykarlarınınń belgili (házirgi) dáwirdegi metodlarına baylanıslı;
- besinshiden, JOO hám kafedranıń sharayatlarına baylanıslı;
- altınshıdan, oqıw ornınıń material-texnik baza menen baylanıslı;
- jetinshiden, oqıtıwshınıń pedagogikalıq sheberligi, onıń tayarlıǵı hám oqıw procesin shólkemlestiriw dárejesi hám oqıtıwshınıń házirgi zaman metodları boyınsha bilimlerine baylanıslı.
Solay etip, JOO daǵı kásiplik tálim procesi oqıtıwshınıń zamanagóy forma hám metodlarına muwapıq shólkemlestiriletuǵın kóp qırlı sistema sheńberinde ámelge asırıladı. Bunda hár bir forma óz aldına qoyǵan wazıypalardı orınlaydı, biraq forma hám metodlar toplamı bir ǵana didaktikalıq toplamdı payda etedi. Bul didaktikalıq toplamnıń ámelge asırılıwı bolsa, oqıw procesiniń psixologik-pedagogikalıq nızamlıqları menen belgilenedi.