12-mavzu: O’zbekiston Respublikasi uy-joy kodeksi reja

Turarjoydan foydalanish huquqi. Ushbu bo’limda turarjoyni almashtirish va ayirboshlash, munisipal, idoraviy uy-joy fondi va aniq maqsadli kommunal uy-joy fondidagi turarjoyni bronlashtirish. turarjoylardan umrbod foydalanish huquqi mustahkamlangan.

Ko’p kvartirali uydagi turarjoylar va yashash uchun mo’ljallanmagan joylar mulkdorlarining umumiy mol-mulki. Xususiy uy- joy mulkdorlarining shirkati. Mazkur bo’limda turarjoylar va yashash uchun mo’ljallanmagan joylar mulkdorlarining ko’p kvartirali uydagi umumiy mol-mulkka bo’lgan huquqi, ko’p kvartirali uydagi umumiy mol-mulkka bo’lgan mulk huquqidagi ulushlarni aniqlash, ko’p kvartirali uydagi umumiy mol-mulkni saqlash bo’yicha umumiy xarajatlarda ishtirok etish, ko’p kvarlirali uydagi umumiy mol-mulkka bo’lgan mulk huquqini amalga oshirish, xususiy uy-joy mulkdorlarining shirkatlarining huquqiy maqomi yoritilgan.

Turarjoylar haqini, uy-joyni saqlash xarajatlarini va kommunal xizmatlur haqini to’lash. Bu bo’limda munisipal idoraviy uy-joy fondi uylaridagi turarjoylar haqini ijaraga berish shartnomasi bo’yicha to’lash, aniq maqsadli kommunal uy-joy fondidagi turarjoylar haqini to’lash, yotoqxonalarda yashaganligi uchun haq olish tartibi, ko’p kvartirali uydagi turarjoylarni va umumiy mol-mulkni saqlash xarajatlari, kommunal xizmatlar uchun majburiy to’lovlar, ko’p kvartirali uydagi mol-mulkni saq­lash xarajatlarini va kommunal xizmatlar uchun majburiy to’lovlarni to’lash muddatlari, uy-joyni saqlash va kommunal xizmatlar haqini to’lash xarajatlarini qoplash, turarjoylar va kommunal xizmatlar haqini to’lashda aholining ijtimoiy jihatdan himoyalanmagan va kam ta’minlangan toifalarini qollab-quvvatlash masalalarini tartibga soluvchi normalar belgilangan.