12-Mavzu: Microsoft Office vositalari yordamida eo’Kni yaratish

12-Mavzu: Microsoft Office vositalari yordamida EO’Kni yaratish.
Reja
MS Power Point vositalari yordamida o`quv taqdimotini tayyorlashni o`rganishdan maqsad, MS Office dasturlarini Yanada chuqur o`zlashtirish va asosan o`quv mashg`ulotlarini tashkil etishda Power Point dasturidan keng miqyosda foydalanishdan iborat.
Power Point – universal, imkoniyatlari keng bo`lgan, ko`rgazmali grafika amaliy dasturlari sirasiga kiradi va matn, rasm, chizma, grafiklar, animatsiya effektlari, ovoz, videorolik va boshqalardantashkil topgan slaydlarni yaratish imkonini beradi.
Slayd – ma’lum bir o`lchamga ega bo`lgan muloqot varaqalari hisoblanadi. Unda biror maqsad bilan yaratilayotgan namoyish elementlari joylanadi. Slaydlar ketma-ketligidan iborat tayyor ko`rgazmani kompyuter ekranida, videomonitorda, katta ekranda namoyish qilish mumkin. Bu namoyish esa taqdimot deb atladi. Bu dasturning afzallik tomonlaridan biri animatsion effektlar bilan ishlashidir.
Animatsiya – bu, obyektlar, kameralar, yorug`lik manbalarining o`zaro joyini almashtirish yoki ularning parametrlarini vaqt bo`yicha o`zgarishiga ega bo`lgan vazifa yoki topshiriqdir. Xozirgi kunda kompyuterli grafika vositalarini qo`llashning ushbu sohasi kuchli rivojlanishni boshdan kechirmoqda.
Animatsion grafika – o`zida rang, tasvir va ilyustrativ grafika bilan ishlay olish imkoniyatiga ega. Qo`shimcha ma’lumot sifatida shuni aytish mumkin, Power Point dasturi ovozli ma’lumotlar bilan ham ishlaydi. Ya’ni slaydlar tayyor bo`lganda ovozli izohni ham qo`shish mumkin.
Fanlarga qaytsak, balki hamma mavzuda Informatika fani dasturlaridan foydalanish to`g`rib bo`lmas, lekin hech bo`lmaganda nazariy bilimlarni berishda foydalanish mumkin deb o`ylaymiz. Power Point dasturi orqali yoritilgan mavzu shu mavzuning elektron variant hisoblanib, uni fayl ko`rinishida diskda, flesh xotirada yoki kompyuterning o`zida saqlab qoyish mumkin.
“Eshitganda – 40%, ko`rganda – 70%, bajarganda – 80% o`zlashtirish mumkin” – degan ekan bir donishmand. Xaqiqatdan ham, o`quvchilarga Yangi mavzuni tushuntirsangiz kamroq, ekranda asosiy tushunchalarni namoyish etib, so`ngra boshqa shunga o`xshash misol yoki masalani ham yechilishini namoyish etib, so`ngra boshqa shunga o`xshash misol yoki masalani o`quvchilarga ishlatilsa, o`quvchilar ko`proq bilimga ega bo`ladilar.
Power Point Microsoft Office ning tarkibidagi taqdimot tayyorlashga asoslangan programmadir. Taqdimot ixtiyoriy sondagi slaydlar yaratish imkonini beradi. Slaydlar taqdimotning alohida bir bo`limi bo`lib, kompyuterning bitta to`liq ekraniga mos keladi. Power Pointni yuklash ya’ni ishga tushurish uchun “Пуск” tugmachasi bosiladi, unda “Программы” menyusida “Microsoft Power Point” tanlanadi va sichqoncha bilan ishga tushuriladi yoki klaviaturadan “Enter” tugmachasi bosiladi.
MS Power Point dasturi yordamida “Zamonaviy o`qitish texnologiyasi va amaliyoti” fanidan “Axborotni qayta ishlashning zamonaviy texnik vositalari sifatida kompyuterni qo’llash” mavzusining taqdimotini tayyorlash.