12-Mavzu Lokomotiv xо’jaligi haqida umumiy ma’lumotlar Reja

Lokomotivlarni texnik qarovdan о’tkazish va ta’mirlash
Texnik qarov о’tkazishning asosiy maqsadi harakat etuvchi sostavni doimiy kam-kо’stsiz va yaxshi holatda saqlash, detallarining tez ishdan chiqishini kamaytirish, ishlash muddatini oshirish, uning har doim ishga tayyor bо’lishini, hamda puxta va xavfsiz ishlashini ta’minlash, yoqilg’i va moylash materiallarining kam sarf etilishiga erishishdan iboratdir.

Texnik qarov, tozalash-yuvish, bо’shab qolgan qismlarni mahkamlash, hamda sozlash va tekshirish ishlarining tartibli о’tkazilishi, kamchiliklarni о’z vaqtida bartaraf etishga imkon beradi.

Harakatdagi tarkib ma’lum masofani bosib о’tgandan sо’ng rejaga muvofiq texnik qarovdan о’tkaziladi. Texnik qarovda bajarilgan ishlar hajmi qabul qilingan rо’yxatda kо’rsatiladi.

Lokomotivlarning texnik qarovi takrorlanishi va bajariladigan ishlarning hajmiga qarab quyidagilarga bо’linadi: kundalik birinchi texnik qarov (TO -1), ikkinchi texnik qarov (TO - 2), uchinchi texnik qarov (TO-3), tо’rtinchi texnik qarov (TO-4) va kichik hajmdagi ta’mirlash ishlarini о’tkazish (TR-1).