12-mavzu. Foreks platformalarida ishlash Reja

Markaziy banklar. Ularning asosiy vazifasi tashqi bozorda valyutani tartibga solishdan iborat, ya’ni valyuta inqirozi oldini olish maqsadida, milliy valyuta kursining keskin tebranishi oldini olish, eksport – import balansini ushlab turish va boshqalar. Markaziy banklar valyuta bozoriga to’g’ridan – to’g’ri ta’sir etishadi. Bu ta’sir bevosita valyuta interventsiyasi ko’rinishida, yoki bilvosita pul massasi va foiz stavkasini tartibga solishda ko’rinadi. Markaziy banklar milliy valyutaga ta’sir etish uchun bozorda yakka tartibda yoki boshqa Markaziy banklar bilan kelishgan holda, qo’shma valyuta siyosatini olib borish bilan ishtirok etishi ham mumkin.
Jahon valyuta bozorlarida eng katta ta’sirga ega markaziy banklarga: AQSh Federal Rezerv Tizimi (US Federal Reserve yoki qisqacha FED), Germaniya Bundesbanki (Deutsche Bundesbank) va Angliya Bankini (Bank of England, shuningdek Old Lady deb ataladi) keltirish mumkin.
Valyuta birjalari. O’tish iqtisodiyotiga ega bir qator mamlaktlarda yuridik shaxslarga valyuta ayirboshlash va valyutaning bozor kursini shakllantirishga xizmat qiluvchi valyuta birjalari faoliyat olib borishadi. Odatda, davlat almashuv kursi darajasini birja bozorining ixchamligidan foydalanib, tartibga solib turadi.
Valyuta brokerlik firmalari. Ularning vazifalari xorijiy valyuta xaridori va sotuvchisini bir – biri bilan uchrashtirish va ular o’rtasida konversion yoki ssuda – depozit operatsiyalarni tashkil etishdan iborat.
Xususiy shaxslar. Jismoniy shaxslar keng ko’lmada nosavdo operatsiyalarni, Xususan, turizm, ish haqi, pensiya, gonorarlarni o’tkazish va naqd valyuta oldi - sotdisini bajarishadi. 1986 yildan boshlab esa, marja savdosi kiritilishi bilan jismoniy shaxslar FOREX bozorida bo’sh pul mablag’larni investitsiyalash imkoniga ham ega bo’lishdi.