12-ma’ruza Mavzu: qo‘shish jarayoni. Piltalash mashinalari. Reja

12-ma’ruza
Mavzu: QO‘SHISH JARAYONI. PILTALASH MASHINALARI.


Reja

1. 
   Qo‘shish jarayoni.
   
2. 
   Piltalash mashinalari va ulardagi texnologik jarayon.
   
3. 
   Piltalash mashinasining asosiy ishchi organlari
   
4. 
   Piltalash mashinalarining avtorostlagichlari.
   
5. 
   Piltalash mashinasining unumdorligi.
   

Qo‘shish jarayoni
Ip ishlab chiqarishda ikki va undan ortiq mahsulotlarni bo‘ylamasiga birlashtirib, mahsulot tayyorlashga qo‘shish deb ataladi.
Qo‘shish jarayonining maqsadi xomaki mahsulotlarni chiziqiy zichligi, tarkibi va strukturasi bo‘yicha ravonlashtirishdan iborat.
Qo‘shish jarayonining mohiyati esa turlicha xossalarga ega bo‘lgan mahsulotlarni birlashtirish orqali ularning ko‘rsatkichlarini o‘rtacha miqdoriga yaqinlashtirib, mahsulot notekisligini kamaytirishdan iboratdir.
Ip ishlab chiqarishda mahsulotlarni qo‘shish orqali chiziqiy zichligi, ko‘ndalang kesimdagi tolalar soni va tarkibi bo‘yicha notekisligi kamaytiriladi.
Qo‘shilgan mahsulotning chiziqiy zichligi qo‘shilayotgan mahsulotlar chiziqiy zichligining yig‘indisiga teng.

T = T₁ + T₂ + T₃ +. . . . + T_m

Bunda: T - qo‘shilayotgan mahsulotlar soni.
Agar qo‘shilayotgan mahsulotlar bir xil chiziqiy zichlikda bo‘lsa, bo‘ladi.


Qo‘shish jarayonining kamchiliklari.

1. 
   Qo‘shish mahsulotni yo‘g‘onlashga olib keladi, demak uni yana cho‘zish kerak, natijada notekislik xosil bo‘ladi.
   
2. 
   Qo‘shish natijasida mahsulot bir oz tekislnadi, ya’ni faqat qo‘shish orqali notekislikni yo‘qotib bo‘lmaydi.
   
3. 
   Qo‘shish jarayonida olinayotgan mahsulotning o‘rtacha chiziqiy zichligini bir xilda saqlab bo‘lmaydi.