12-ma’ruza Mavzu: qo‘shish jarayoni. Piltalash mashinalari. Reja

Piltalash mashinalari va ulardagi texnologik jarayon
Cho‘zish va qo‘shish jarayonlari piltalash mashinalarida amalga oshiriladi. Piltalash mashinalarining asosiy vazifasi mahsulotni cho‘zib ingichkalashtirish, tolalarni to‘g‘rilab bir-biriga parallellashtirishdan iborat.
Piltalash mashinalari bir biridan tuzilishi va ishlash prinsipidan tashqari avtorostlagichlar bilan farqlanadi.
Dunyo to‘qimachilik korxonalarida quyidagi piltalash mashinalari samarali ishlatilmoqda:
SB-D-22; RSB-D-22; SB-D-35; RSB-D-35; SB-D-40; RSB-D-40 (Rieter)
HS-1000; HSR-1000; TD-02; TD-03 (Truetzschler)
Vouk; Unimax; Duomax; (Marzoli)

Piltalash mashinalari quyidagi vazifalarni bajaradi:

1. 
   Cho‘zish orqali mahsulotni ingichkalashtirish.
   
2. 
   Tolalarni tekislash .
   
3. 
   Tolalarni bir-biriga nisbatan paralell xolatga keltirish.
   
4. 
   Qo‘shish orqali mahsulotni tekislash.
   
5. 
   Qo‘shish natijasida mahsulotni aralashtirish.
   
6. 
   Zichlagichlar ta’sirida mahsulotni tashkil etuvchi tolalarni jipslashtirish.
   

Piltalash mashinalari bir, ikki yoki uchta o‘timda ishlatilishi mumkin. 6 yoki 8 pilta ta’minlovchi stolcha sirtida sirpanib uzatuvchi juftlik orqali cho‘zish asbobiga kiritiladi. Unda cho‘zilib yupqalashgan mahsulot zichlagich tirqishiga yo‘naltirilib piltaga aylangach yassilovchi valiklardan yo‘naltiruvchi kanal orqali o‘tib, pilta taxlagich valiklari yordamida tortib olinadi va tazga taxlanadi
Turli davrlarda bir, ikki yoki to‘rt chiqaruvchi organganlarga ega bo‘lgan piltalash mashinalari ishlatilgan.
Pilta chiqarish tezligiga ko‘ra piltalash mashinalarini sekin, o‘rtacha va tezyurar mashinalarga ajratish mumkin.

HSR-1000 piltalash mashinasining texnologik sxemasi

1-tazlar; 2- pilta; 3- ta’minlovchi valik; 4- yuklovchi valik; 5- ta’minlash qurilmasi; 6-uzatuvchi valiklar; 7- yuklovchi valik; 8- zichlagich; 9- rostlagichning ta’minlash juftligi; 10- cho‘zish asbobi; 11- zichlagich; 12- chiqaruvchi valiklar; 13- pilta taxlagichning ustki tarelkasi; 14- piltalangan piltali taz.