111государственная статистическая отчетность

302-“ўрмончилик ва ёғоч тайёрлаш” сатри ўрмончилик ва ёғоч тайёрлаш каби фаолият турларини ўз ичига олади.
Ўрмончилик “ўрмон кўчатлари”ни ишлаб чиқаришни, шу билан биргаликда ёввойи ҳолда ўсадиган ўрмон маҳсулотларини йиғишни ўз ичига олади. Ёғоч тайёрлашга пўстлоқлар (пўкак, тиқин) ишлаб чиқариш, бирламчи ишлов берилган ёғочлар (ёқиладиган ёғоч тахталар, кон деворларини мустаҳкамлайдиган ёғоч тахталар, ёғоч бўтқаси) киради. Бу фаолият тури ҳам ўрмонда, ҳам махсус ўрмон майдонларида (плантация) амалга оширилиши мумкин.
Агар корхонада ўрмончилик соҳасидаги хизматлар (кўчатхона хизматлари-02.10.20 ва ўрмончилик хўжалиги соҳасидаги техник хизматлар (ўрмончилик ва ёғоч тайёрлаш)-02.40.10) мавжуд бўлганда, улар “V. Ишлаб чиқарилган (кўрсатилган) хизматлар, ҚҚСсиз” бўлимида турлари бўйича акс эттирилиши лозим.
303-“балиқ овлаш ва аквакультура” сатри балиқлар, қисқичбақасимонлар, моллюскалар ва бошқа денгиз организмларни (масалан, сувда ўсувчи ўсимликлар, марварид, булутлар ва бошқалар) овлаш ёки йиғиш мақсадида қирғоқ бўйи чегара бойликлардан, шўр ва чучук сув ресурсларидан фойдаланишни ўз ичига олувчи балиқ овлашни ва сув ўсимлик намуналари йиғишни ўз ичига олади.
Агар корхонада балиқчилик соҳасидаги хизматлар (балиқ овлаш билан боғлиқ бўлган ёрдамчи хизматлар-03.00.71, балиқчилик билан боғлиқ бўлган ёрдамчи хизматлар-03.00.72) мавжуд бўлганда, улар “V.Ишлаб чиқарилган (кўрсатилган) хизматлар, ҚҚСсиз” бўлимида турлари бўйича акс эттирилиши лозим.
IV. “Саноат” бўлимида 401-сатрда ҳисобот даврида амалдаги нархларда (ҚҚС ва акцизсиз) саноат маҳсулоти (ишлар, хизматлар) ишлаб чиқариш ҳажми кўрсатилади. Шартномавий нархларда сотиладиган маҳсулот, шартномавий улгуржи нархларда ишлаб чиқариладиган маҳсулот ҳажмига қўшилади.
Буюртмачининг тўланмайдиган хом-ашё ва материалларидан ишлаб чиқарилган маҳсулот, ушбу хом-ашё ва материаллар қийматини қўшмаган ҳолда 401-сатрда кўрсатилади.
Саноат маҳсулоти ишлаб чиқариш, ички айланма нархисиз, яъни корхонанинг ўз шахсий саноат-ишлаб чиқариш заруратлари учун ишлатадиган қисмисиз аниқланади.