11-variant Xalqaro moliyaviy risklarni boshqarish tizimining umumiy xususiyatlari

3. Hududiy birlashmalarga xos xususiyatlar.
Hududiy birlashishlar - milliy xoʻjaliklar oʻrtasida oʻzaro barqaror aloqalarning rivojlanishi hamda mehnat taqsimoti negizida yuzaga kelgan mamlakatlarning iqtisodiy, ijtimoiy-siyosiy va madaniy jihatdan birlashuvi boʻlib, ishlab chiqarish tuzilmalarining turli darajada va turli koʻrinishlardagi oʻzaro aloqadorligini namoyon qiladi.
Xalqaro iqtisodiy munosabatlarda integratsion jarayonlar ikkita asosiy koʻrinishda, mikro va makro darajalarda namoyon boʻladi. Mikro darajada bu jarayon qoʻshni mamlakatlardagi alohida firmalarning turli shakllardagi iqtisodiy aloqalarni amalga oshirish orqali, shuningdek xorijiy mamlakatlarda oʻz filiallarini tashkil etish yordamida yuzaga keladi. Davlatlararo darajada integratsiya mamlakatlarning iqtisodiy birlashmalarini tashkil etish va milliy siyosatlarini muvofiqlashtirish orqali amalga oshiriladi.
Mamlakatlar hududiy birlashmalardan quyidagi maqsadlar koʻzda tutiladi:
1. Bozorlarni kengaytirish imkoniyatlaridan foydalanish va ishlab chiqarish koʻlamini oshirish hisobiga ishlab chiqarishdagi xarajatlarni kamaytirish.
2. Mamlakatlar oʻrtasidagi hamkorlikni yanada rivojlantirish.
3. Xalqaro iqtisodiy integratsiya jarayonlarida ishtirok etuvchi mamlakatlarning jahon bozoridagi mavqeini oshirish.