11-tema: Seminar, ámeliy hám laboravtoriya shınıģıwların ótkeriw texnologiyası

Seminar hám onıń ózgeshelikleri.
Seminar bul oqıtıwshını tálim alıwshılar menen belsene baylanıs ornatıwģa qaratılģan, teoriyalıq bilimlerdi ámeliy xızmette ámelge asırıw ushın zárúr shárt-shárayatlardı támiyinlewshi tlimdi shólkemlestiriw forması bolıp esaplanadı.
Seminar tómendegi maqsetlerge erisiw ushın qollanıladı.
1) teoriyalıq materialdı tártip salıw;
2) bilimlerdi bekkemlew;
3) kónlikpe hám tájiriybelerdi payda etiw;
4) bilimlerdi qadaģalaw.
Seminar shınıģıwına tayarlıq kóriw hám ótkeriw.
Seminar shınıģıwına tayarlıq kóriw hám ótkeriwde tómiendegi sorawlarģa juwap tabıladı:
1. Ne ushın?-Seminardı shólkemlestiriwden kózlengen maqset.
2. Qalay?-Seminardı alıp barıw texnologiyasın islep shıģıw.
3. Neni talqılaw?-Seminardı alıp barıw waqtında analiz qılınatuģın materiallardıń mazmunı.
4. Qanday faktorlardı esapqa alıw kerek?-Seminardı shólkemlestiriw barısında belgili bir faktorlardı esapqa alıw.

Seminar túrleri hám onıń ózine say ózgeshelikleri. Seminar túrleri	Ózine say ózgeshelikleri.
Lekciyalı (doklad) seminar	Seminar shınıģıwı oqıwshılardıń lekciyaların tıńlaw hám pikir alısıw formasında ótkeriledi.
Dialog seminar	Seminar shınıģıwı jámáátlik hám individual tárizinde shólkemlestiriledi.
Refleksiv seminar	Seminar shınıģıwı temaģa baylanıslı maģlıwmatlardı talqılaw hám anıq juwmaqlarģa keliw tárzinde ótkeriledi.
Seminar pikir almasıwı	Seminar shınıģıwın shólkemlestiriwde materiallardan paydalanıladı hám túrli pikirlerdi qáliplestiriwge erisiledi.
Seminar-illyustraciya	Seminar shınıģıwı derekleri menen islew tárizinde shólkemlestiriledi hám materiallar illyustraciya tárizinde kórsetiledi.
Evristikalıq seminar	Seminar izleniwsheńlik-tapsırmalı tárizinde shólkemlestiriledi