11-sinf tarbiy

Ijodiy faoliyat
?
Ijodiy faoliyat
@edurtm_uz

---

74
1. Berilgan rasmlarni nafosat tu-
shunchasi bilan bog‘lang. 
2. “Nafosat va san’at”ning o‘zaro 
bog‘liq tomonlari haqida fikr yuriting.
3. “Ommaviy madaniyat”ning nafo-
satga qanday ta’siri bor?
4. Alisher Navoiyning “Hayrat ul-
abror” dostonidan olingan parchani 
o‘qing. Qalamga berilgan ta’rifni nafosat 
tushunchasi bilan bog‘lang. Ushbu asar
-
ni nafosat bilan yozilgan deyish mum
-
kinmi?
Alisher Navoiyning 
“Hayrat ul-abror”
 
dostonidan
 
parcha
Bu qanday bichimi kelishgan, yoqimli narsaki, ovozi ham yaxshi, diqqat bilan 
quloq solsang arziydi. Uchi ma’noli gaplarga naqsh-u nigor beradi, mistarining 
qashlog‘ich iplari uning tirnoqlaridir. Uning tuzilishi qushga o‘xshab ko‘rinadi; 
tumshug‘idan har tomonga ma’noli so‘zlarni sochadi. U o‘zi nur ustidan vatan 
qilgan bo‘lsa-da, yemishi – qorong‘ilik; oq qog‘ozning ustiga mushk sochadi. 
Uning harakatlari tez va bir me’yorda, lekin uchish uchun unga qanot yetishmay-
di, xolos.
Yo‘q, uni qush dema, u xushbo‘y bir ilon, xushbo‘y dema, fusungar ilon. 
Uning (sahifadan sahifaga) go‘zal uchib o‘tishlari, qo‘l, oyog‘ining yashirinligi 
bunga dalildir. U tilini chiqarganda har gal bitta sehr ko‘rsatadi. Bunaqa sehrni 
qaysi bir ilon ko‘rsatgan?!
U ilon ham emas, tilla xazina ustidagi ajdardir. Uning qornida yuz xil ajoyib 
boylik yashiringan. Og‘zidan tutun chiqaradi. Tutuni orasidan chiqqan har bir 
munchoq bir gavharga o‘xshaydi.
U ajdar ham emas, chunki u egri; uni yaxshisi Muso (payg‘ambar)ning 
(sehrli) hassasi deb atay qol. Bo‘lmasa, qanday qilib u butun jahon sehrini, hatto 
uning ma’nosini va ifodalash sehrini ichiga yuta oldi? Tanasining og‘irligi ham 
yo‘q darajada; u bu zahmatlarni chekkanda qiynalmaydi! Uni hassa ham dema, 
balki qalam deb atay qol; uning uchini xatga naqsh bituvchi de.
U dunyoda hamma narsadan oldin yaratilgan...
?