11-mavzu: Inson hayotida moliyaviy rejalashtirishning ahamiyati Glossary Moliyaviy rejalashtirish

11-mavzu: Inson hayotida moliyaviy rejalashtirishning ahamiyati
Glossary

1. 
   Moliyaviy rejalashtirish - boshqarishning tarkibiy qismi bo’lib, davlat pul mablag’larni tashkil etish, taqsimlash, qayta taqsimlash va ishlatish jarayonlarini rejali boshqarishdir.
   
2. 
   Moliyaviy reja – bu korxonaning moliyaviy maqsadlariga erishish usullarini xarakterlovchi hamda uning daromad va xarajatlarini o’zaro bog’lovchi hujjatdir.
   
3. 
   Bashoratlash- bu korxona, obyekt yoki hodisaning kelajakdagi ahvoli va uni amalga oshirish variantlari va muddati to’g’risidagi ilmiy jihatdan asoslangan mulohazadir.
   
4. 
   Moliyaviy rejalashtirishning maqsadi – uzoq va qisqa moliyaviy resurslardan foydalanish samaradorligini oshirishdan iborat. Moliyaviy rejalashtirish jarayonida kapital daromadliligini va korxona barqarorligini oshirish,risklarni minimallashtirish va boshqalar bo’yicha chora-tadbirlar ishlab chiqariladi.
   
5. 
   Strategik moliyaviy rejalashtirish- tashqi va ichki muhitda o’zgarayotgan xo’jalik yuritish subyekti moliyaviy taraqqiyotining ko’p variantli bashoratlarini amalga oshirish jarayoni.
   
6. 
   Joriy moliyaviy rejalashtirish – ishlab chiqarish, investitsion, marketing, ilmiy-loyihaviy va qidiruv faoliyatlarini hamda ijtimoiy loyihalarini amalga oshirish uchun zarur bo’lgan qisqa muddatli moliyaviy rejalarni tayyorlash jarayoni.
   
7. 
   Moliyaviy bashoratlash- u yoki bu davr mobaynida davlatning mumkin bo’lgan moliyaviy holatini oldindan ko’ra bilish va moliyaviy reja ko’rsatkichlarini asoslash.
   
8. 
   Istiqbolli reja- maktabgacha talim vazirligi, viloyat boshqarmalari, tuman va shahar moliya-iqtisod bo’limlari tomonidan uzoq muddatga mo’ljallab tuziladigan rejalar tushuniladi.
   
9. 
   Joriy rejalashtirish- har yili amalga oshiriladigan moliyaviy-xo’jalik ishlari rejasidir.
   
10. 
    Rejalashtirish metodlari - Moliyaviy rejalashtirish amaliyotida quyidagi asosiy metodlardan foydalanish mumkin: iqtisodiy tahlil metodi, normativ metod, balansli hisob-kitoblar va pul oqimlari metodi, ko’p variantlilik metodi, iqtisodiy-matematik modellashtirish metodi va boshqalar.