11-Ma`ruza: O’zbekistonda fuqarolik jamiyati institutlarining shakllanishi va rivojlanishi Reja

9.3.-rasm
2.O’zbekiston “Adolat” sotsial demokratik partiyasi — 1995 yil 18 fevralda tashkil topgan. Partiya elektorati keng omma tabaqasini O’zida biriktirgan bo’lib, o’rtahol va ehtiyojmand aholi tabaqalariga tayanadi. SHiori: “Elim deb, yurtim deb, yonib yashash kerak” g’oyasini ilgari surgan. Maqsadi: O’zbekistonda yashayotgan barcha millat va elatlarning umumiy manfaatlariga mos keladigan, demokratiya tamoyillarga asoslangan, yangi ijtimoiy munosabatlarni qaror toptirish, adolatli jamiyatni qurish.
O’zbekiston “Adolat” sotsial–demokratik partiyasi o’z oldiga qo’yidagi vazifalarni qo’ygan:

• 
  Demokratik jarayonlarni jadallashtirish.
  
• 
  Fuqarolar siyosiy ongi va siyosiy madaniyatning rivoji uchun kurashish.
  
• 
  Vatanga sadoqat bilan xizmat qiladigan kishilarni tarbiyalash.
  
• 
  Ijtimoiy jihatdan muhtoj aholining muhofazasini ta`minlash.
  
• 
  Milliy qadriyatlarni tiklash, yosh avlodni madaniy merosimizni O’rganish asosida tarbiyalash.
  
• 
  Millatchilik g’oyasiga qarshi kurashish, tinchlik, barqarorlikni, milliy hamjihatlikni targ’ib qilish.
  
• 
  Rivojlangan davlatlar bilan o’zaro manfaatli aloqalarni rivojlantirish, milliy manfaatlarimizga mos keladigan tashqi siyosatni qo’llab–quvvatlash.
  
• 
  Jahon sotsial–demokratik harakati, sofdil va ezgu niyatli boshqa ijtimoiy harakatlar, partiyalar bilan aloqa bog’lash.
  

Partiyaning oliy organ – Qurultoy. Qurultoylar oralig’ida partiyalarga rahbarlik fraksiyasini 41 kishidan iborat Siyosiy Kengash olib boradi.
3. O’zbekiston “Milliy tiklanish” demokratik partiyasi —1995 yil 3 iyunda tashkil topgan. Partiya O’z elektoratida ko’proq ziyolilarga suyanadi. Ijtimoiy qatlam sifatida o’rta tabaqani biriktirgan. Partiyaning bosh maqsadi – milliy manfaatlar zaminida yangi O’zbek davlatining asoslarini yaratish, huquqiy davlatni qurish. Partiya shiori: “Millat, inson va Vatan manfaati muqaddasdir”. Partiyaning maqsadi: davlatning umuminsoniy qadriyatlar asosida milliy tiklanish, boshqacha aytganda, partiyaning oliy maqsadi:

• 
  Millatning ma`naviy birligi.
  
• 
  Vatan (Turkiston) – yagona oila.
  
• 
  Kuchli demokratik davlat.
  
• 
  Milliy qadriyatlar.
  
• 
  Ilmiy-texnikaviy taraqqiyot va umumjahoniy integratsiyasi.
  
• 
  Zamon kishisi.
  
• 
  Milliy istiqbol kabi masalalarni bosh maqsad qilib olgan.
  

MTP ning matbuot organi: “Milliy tiklanish” haftalik gazetasi.