11-ma’ruza Mavzu: Kompyuter grafikasi va ularning turlari

11-ma’ruza
Mavzu: Kompyuter grafikasi va ularning turlari. Kompyuter grafikasi. Kompyuter grafikasi turlari: vektorli, rastrli, fraktal, CD-grafika. Grafik axborotlar bilan ishlash texnologiyasi. Grafik axborotlarni kiritishning maxsus vositalari. Grafik axbortlarni kiritish, taxrirlash va chiqarishning dasturiy vositalari. Tasvirlarga ishlov berish.
Ma’ruza bayoni
Kompyuter grafikasining yaratilish davri 1960 yillarga to’g’ri keladi. Kompyuter grafikasi va grafik tizimlari o’sha vaqtdayoq o’z qimmatiga ega edi. Bugungi kunda kompyuter grafikasi (KG) va kompyuter animasiyasi (KA) terminlaridan foydalanish yaxshi yo’lga qo’yilgan. Kompyuter grafikasi tushunchasi o’z tarkibiga statik tasvirlar bilan bog’liq barcha ishlarni birlashtirsa, kompyuter animasiyasi esa bevosita dinamik o’zgaruvchi tasvirlar bilan ishlaydi. Grafika va animasiyalarning o’zaro birlashtirilishi (KG) va (KA)si abbreviaturasi imkoniyatlari hisoblanadi.
Computer graphics – bu, EHMning boshqaruvi asosida grafik obyektlarga kirish, ularni tasvirlash, o’zgartirish, taxrirlash va undan chiqishdir. (Borkovskiy A.V. «Anglo-russkiy slovar po programmirovaniyu i informatike»)
Computer animation — bu, displey ekranida tasvirlarning «jonlanishi» , kompyuterdagi dinamik tasvirlarning sintezidir. ( «Anglo-russkiy slovar po vo’chislitelnoy texnike» p/r Ye.K. Maslovskogo).
Grafik dasturlarda odatda kuyidagi ketma-ketlikda ish olib boriladi:

1. 
   Yangi faylni yaratish yoki mavjud faylni ochish.
   
2. 
   Obyekt yoki muxitni belgilash. Bu asbob va effektlarni tasvirlarning hammasiga emas, balki zarur, kerakligiga qo’llashni bildiradi.
   
3. 
   Effektlarni joylashtirish yoki asboblarni grafik shaklda panelda aktivlashtirish.
   
4. 
   Belgilashni olib tashlash.
   

Kompyuter grafikasi uch turga bo’linadi: rastrli grafika, vektorli grafika va fraktal grafika. Ular bir-biridan monitor ekranida tasvirlanishi va qog’ozda bosib chiqarilishi bilan farqlanadi.
Kompyuter grafikasi tushunchasi hozirda keng qamrovli sohalarni o’zida mujassamlashtirib, bunda oddiy grafik chizishdan to real borliqdagi turli tasvirlarni hosil qilish, ularga zeb berish, dastur vositasi yordamida hatto tasvirga oid Yangi loyihalarni yaratish ko’zda tutiladi.U multimedia muhitida ishlash imkoniyatini beradi.