11-laboratoriya mashg‘uloti mavzu: Parranadalar go‘shtini tekshirish

11-LABORATORIYA MASHG‘ULOTI
Mavzu: Parranadalar go‘shtini tekshirish

Parranda go’shtining morfologiyasi.

Qishloq xo’jalik parrandalaridan olinadigan go’shtning rangi oqish-qizg’ish yoki qoramtir-qizil, yosh parrandalarning go’shtining rangi, katta yoshdagilarnikiga qaraganda oqishroq bo’ladi. Oriq parrandalarning go’shtining rangi qoramtir-qizil yoki ko’kimtirroq rangga ega bo’lishi mumikn.
Go’shtni bunday rangga ega bo’lishi, majburiy tasodifan so’yilgan parrandalarda ham kuzatiladi. Tovuq va kurkalarning terisi yupqa va juda harakatchan bo’lib, teri osti yog’ining to’planishidan go’shtning rangi oq-qizg’ish yoki sariq bo’lib ko’rinadi. Suvda suzuvchi parrandalarning terisini rangi, agar teri osti yog’lari bo’lmasa qizg’ishroq bo’lib ko’rinadi.
Agar terisida yaqqol sariq rang ko’rinib tursa, bu katta yoshdagi parrandalarga xos bo’ladi. Yaxshi holatdagi parranda go’shtining konsistensiyasi tarang, qayishqoq, qo’l bilan go’shtning yuzasini bosganda hosil bo’ladigan cho’qurcha tezlikda to’g’rilanadi. Parrandaning tanasidagi muskullari, tanada bir xilda emas. Ayrim olgan bir ko’krak muskulining og’irligi, boshqa tana muskullaridan og’irroq bo’lishi mumkin. qishloq xo’jalik parrandalarning tana skelet muskullarining gistologik tarkibining tuzilishi, issiq qonli hayvonlarning muskul to’qimasining tuzilishiga o’xshash. Xo’roz go’shtining tuzilishi, tovuqlarnikiga qaraganda quruqroq va qattiqroq bo’ladi. Parrandalarning tana muskullarida yog’ to’qimalarning joylashishi ham bir xilda emas. Tuxum ko’p tug’adigan zotli parrandalarda yog’ to’g’ri ichakning atrofida va yelka terisining to’planadi. Go’sht beradigan parrandalarda yog’ asosan teri ostida tanasining hamma yuzasida bir xilda joylashadi, lekin ayrim paytda muskullarning orasida ham bo’ladi.
Suvda suzuvchi parrandalarda yog’ning to’planadigan joylari qonotlarining tagida va qorin bo’shlig’ida bo’ladi.
Professor A.M.Pevznerning tushunchasiga ko’ra boqilgan parranda go’shti 12-24 soatdan keyin ancha yumshab organizmda hazm bo’lishlik darajasi ortadi. Professor I.A.Smorodinsevning tushunchaga binoan parranda go’shti juda tez yetiladi, shuning uchun ham parrandalar so’yilgandan keyin tezda iste’mol qilish mumkin. Veterinariya dasturi va qonunlariga muvofiq yangi so’yilgan parranda go’shti ma’lum darajada tozalanmasdan sotishga chiqarilishi man etiladi. Qoidagi muvofiq sotishga sovutilgan, muzlatilgan holatdagi parranda go’shti chiqarilishi mumkin.
N.N.Krimova va Yu.N.Laskovalarning ma’lumotiga ko’ra g’oz yog’ining erish darajasi 26-34^o, xuddi qoramollarning sariyog’i singari. G’oz yog’ining organizmda hazm bo’lish darajasi 97-98 % ga teng. Tovuq yog’ining erish haroarti 30-32^o, ko’rkaniki 31-32^o, o’rdakniki esa 27-39^o. yog’larning yodli chislosi tovuqniki 58-80^o, g’ozniki 66-73^o, o’rdakniki 58-72 va ko’rkaniki 66-81^o.