11-amaliy mashg`ulot O`qitishda hamkorlikda o`qitish metodini qo`llashni o`rganish. Reja

«Ўйланг - жуфтликда ишланг - фикр алмашинг» техникасидан фойдаланган ҳолда гуруҳларда ишни ташкил этиш жараёнининг тузилиши
1. Ўқитувчи савол ва топшириқ беради: олдин ўйлаб чиқиш, сўнг қисқа жавоблар ёзиш тартибида.

2. Талабалар жуфтликларга бўлиниб, бир - бири билан фикр алмашадилар ва иккала жавобни мужассам этган умумий жавобни ишлаб чиқишга ҳаракат қилади.

3. Ўқитувчи бир неча жуфтликларга ўттиз секунд давомида аудиторияга ўз ишининг қисқа якунини ифодалаб беришни таклиф қилади.

Қуйидаги ўқув топшириқларини бажариш учун 3 гуруҳга бўлининг:
1. Мустақил хоҳлаган шаклда «ҳамкорликдаги ўқиш», «ўзаро ўқиш», «биргаликда ўқиш» тушунчаларига, сизнинг фикрингиз бўйича, муносиб тавсиф ва белгиларни ёзинг.
2. Гуруҳда биргаликда ёзилганларни муҳокама қилинг ва ушбу тушунчаларни бирга таққослаб таҳлил қилишга ҳаракат қилинг (график ташкил этувчиларидан фойдаланишингиз мумкин).
3. Сиз учун учта ўқиш техникасидан қайси бири маъқул? Ўз жавобингизни асослаб беринг.
Ўзини текшириш учун савол ва топшириқлар
1. “Таълимни ташкиллаштириш шакллари” тушунчасини кенгроқ таърифлаб беринг.
2. Таълим берувчи ва таълим олувчиларнинг ҳамкорликдаги фаолиятини ташкиллаштириш шаклларининг фарқли белгиларини айтинг.
3. Гуруҳларни шакллантириш асосларини айтиб беринг.
4. Гуруҳлар қайси белгиларга қараб шакллантирилишини тушунтириб беринг.
5. Гуруҳларда ишларни ташкил этиш қоидасини айтинг.
6. Гуруҳларда ишлар қандай баҳоланади ва якун чиқарилади?
7. Гуруҳларни мақбул жойлаштириш чизмасини тасвирланг ва асосланг.
8. ТТ “Илон изи” ва “Бирга ўрганамиз” техникасини ўрнини тушунтиринг.


Мавзуни ва алоҳида саволларини ўрганиш учун фойдаланилган ва тавсия этилаётган адабиётлар рўйхати
1. Бутз М., Фальтус Р., Цохен Э. Работа в группах: Сб. Варшава: Фонд образования для демократии, 1994.
2. Гузеев В.В. Образовательная технология: от приема до философии. - М.: Сентябрь, 1996.
3. Дженни Стил, Керт Мередис, Чарльз Пимпл. Обучения сообщ Учебная программа. Обучения сообща: чтение и письмо для развития критического мышления. - Т.: Фонд Сорос – 1999.
4. Подласый М.Л. Педагогика. Новый курс. Учебник: В 2 кн. К.1.: Общие основы процесса обучения. - М.: ВЛАДОС, 1999.
5. Саидахмедов Н.С. Педагогик амалиётда янги педагогик технологияларни қўллаш намуналари. -Т.: РТМ, 2000.-46 б.