11- mavzu. Sertifikatsion dasturiy ta’minotni tekshirish Alfa (alpha) va beta (beta)testlash

Qabul qilish-topshirish bo‘yicha sinovlar.

Agar ishlab chiqilayotgan tizim buyurtmaviy bo‘lsa, u holda alfa va
beta testlash o‘rniga qabul qilish-topshirish bo‘yicha sinovlar
(tekshirishlar) amalga oshiriladi. Bunda ishlab chiqilgan tizim
buyurtmachining talablariga (tizim uchun ishlab chiqilgan texnik
topshiriqda belgilangan va hattoki, ba’zi hollarda, ma’lum bir
qo‘shimcha talablar) mos ekanligiga ishonch hosil qilishdan iborat.
Bunday ko‘rinishdagi sinovlar buyurtmachi tomonidan mustaqil
ravishda (oldindan ishlab chiqilgan test misollar yordamida) yoki
tizimni ishlab chiquvchilar jamoasi vakillari bilan birgalikda
o‘tkazilishi mumkin. Agar sinovlar tizim ishlab chiquvchilari bilan
birgalikda amalga oshiriladigan bo‘lsa, u holda test misollar
tizimli testlashdan foydalanilgan testlar asosida ishlab
chiquvchilar tomonidan tayyorlanadi.

Tizimni qabul qilish-topshirish bo‘yicha sinovlar dasturiy

tizimni qabul qilinganlik haqidagi dalolatnomani imzolash yoki tizim
ega bo‘lishi lozim bo‘lgan qo‘shimcha talablarni shakllantirish bilan
yakunlanadi. Agar sinov bo‘yicha ikkinchi holat yuzaga kelgan bo‘lsa, u
holda barcha kamchiliklar bartaraf qilingandan keyin sinovlar qayta
o‘tkaziladi. Dalolatnoma muvofaqqiyatli imzolangandan keyin tizim
foydalanish uchun qabul qilinadi.
Shunday ko‘rinishdagi maxsus dasturiy tizimlar mavjudki,
ularning ma’lum bir xossalariga alohida muhim talablar talab
etiladi. Umuman olganda, bunday ko‘rinishdagi tizimlar, asosan,
buyurtmaviy bo‘lib, yuqorida keltirib o‘tilgan sinovlardan tashqari yana
ular uchun sertifikat olish talab etiladi.