10-Mavzu Olimpiy ta’limi tizimi

O’zbekiston Olimpiya Akademiyasi (O’zOA)

O’zbekiston Olimpiya Akademiyasi (O’zOA) 1993 yil 18 aprelda tashkil topgan. O’zOA birinchi prezidenti A.Q.Hamroqulov va ijroiya direktori B.S.Radjapov saylanganlar. O’zOA delegatsiyasi 1994 yilda Olimpiya shahrida o’tkazilgan XOAning navbatdagi sessiyasida ishtirok etgan. O’zOAning 12 nafar kishidan iborat Ijroiya qo’mitasi tarkibiga yetakchi olimlar, o’qituvchilar, trenerlar va olimpiya harakati arboblari kiritilgan. O’zOA nizomi bo’yicha Olimpiya Akademiyasi O’zMOQ rahbarligida faoliyat ko’rsatadigan ko’ngilli jamoat tashkiloti hisoblanadi. Respublika Olimpiya Akademiyasiga O’zbekiston Davlat jismoniy tarbiya instituti rektori rahbarlik qiladi. O’zOA maqsadi olimpiya harakati va Olimpiya o’yinlarining insonparvar qadriyatlari, olimpizm tamoyillari va g’oyalarini o’rganish, targ’ibot qilish, ommalashtirish hamda rivojlantirishdan iborat. O’zR OAning dolzarb vazifasi mamlakatimizda olimpiya ta’limotining tashkiliy va ilmiy-uslubiy asoslarini yaratish, mintaqaviy Olimpiya akademiyalari bilan aloqalar o’rnatish hisoblanadi.

O'zbekiston milliy olimpiya Qo’mitasi

Olimpizm

Olimpizm - bu tana, iroda va ong qadr qimmatini muvozanatlashgan bir butunlikka birlashtiruvchi hayot falsafasidir.

Olimpiya harakati olimpizm tamoyillariga asoslangan, tinchlik, xalqlar o’rtasidagi do’stlikni mustahkamlash maqsadida sportni rivojlantirishga qaratilgan demokratik ijtimoiy taraqqiyotdir. Olimpiya harakati insoniyat faoliyatining ko’p sohalari: ta’lim, tarbiya, san’at, fan, madaniyat, texnika taraqqiyoti, xalqlar o’rtasida do’stlik va tinchlikni mustahkamlashga ijobiy ta’sir ko’rsatadi.

Olimpiya o’yinlari – bu individual va jamoa sport turlari bo’yicha mamlakatlar o’rtasida emas, balki sportchilar o’rtasidagi musobaqalardir. Olimpiya bilimlarini targ’ibot qilish vositalari. Sport nashriyoti eng samarli targ’ibot vositalaridan hisoblanadi. Respublikamizda O’zbekiston Respublikasi Madaniyat va sport ishlari vazirligi, O’zbekiston Davlat jismoniy tarbiya institutining «Fan-sportga» ilmiy-nazariy jurnali 2004 yildan nashr qilinmoqda. Respublikamizda «Sport», «Mir sporta» gazetalari ham doimiy ravishda chiqariladi.