10- xkk: I 26. Epidemiologiyasi

Qiyosiy tashxisot

TELA ko‘rinishlari nospetsifik va miokard infarktini, yurak yetishmovchiligini, pnevmotoraksni, plevropnevmoniyani, septik shokni va arterial gipotenziya bilan kechuvchi ko‘plab boshqa kasalliklarni eslatishadi. Amaliyotda tez-tez uchrab turadigan giperventilyatsion sindrom xattoki o‘pka arteriyasi emboliyasini qiyofalantirib adashtirishi (simulyatsiya) mumkin. Xar ikki xolat xam giperventilyatsiya bilan ko‘rinish berishadi, ammo qon gaz tarkibining o‘zgarishlari bilangina bir-birlaridan tafovutlanishadi. Qorin bo‘shlig‘ining yuqori qavatlaridagi jarroxiya amaliyotlari o‘pka skanografiyasi va ko‘krak qafasi a’zolari rentgenografiyalarini o‘tkazilishi xamda natijalar sharxlashni qiyinlashtirishlari mumkin. Skanogramma natijalari TELA borligiga yuqori ishonchli tarzda ko‘rsatadi deb radiologning bergan xulosasi, shak-shubxasiz, tashxisni tasdiqlaydi. Demak, bunday vaziyatda, kelgusi tekshiruvlarni o‘tkazmasdan (ularga xojat qolmaydi, vaqt-fursat omilini qo‘ldan bermaslik uchun!) antikoagulyant terapiyani buyurish darkor. Taxminan 50% xollarda skanogrammani sharxlashda tekshiruvni yomon sifatliligi yoki axamiyatini pastligi xaqida xulosa berishadi. Bunday paytlarda tekshirishni davom etdirish zarur, eng avvalo-oyoqlar venalarini vizualizatsiyasi bajariladi. Patologiya aniqlangan chog‘da TELA tashxisi qo‘yiladi va antikoagulyant terapiya buyuriladi. Agarda-ki tekshiruvda venalar patologiyasi aniqlanmasa-yu, TELA tashxisi xamon istisno qilinmay qolayotgan bo‘lsa, o‘pka arteriyasini angiografiyasi o‘tkazilishi lozim. Mabodo TELA extimoli past bo‘lsa, venalarni kompresssionli UZI si 1-2 xafta o‘tib takroran o‘tkaziladi.