10 – Ma’ruza Tashqi doimiy elektr maydonda dielektriklarning qutblanishi, qutblanish mexanizmlari

10 – Ma’ruza

Tashqi doimiy elektr maydonda dielektriklarning qutblanishi, qutblanish mexanizmlari.

Диэлектрикларнинг хоссалари

Турли-туман физик хоссалар ичида диэлектрик моддаларни характерловчи энг муҳим хоссаларга электрик қутбланиш, электр ўтказувчанлик, диэлектрик йўқотишлар ва ҳ.к.лар киради. Узоқ йиллар давомида диэлектриклар асосан изоляторлар сифатида қўлланилган ва шу сабабли уларнинг кам электр ўтказувчанлиги ва диэлектрик йўқотишлари, юқори даражадаги электр мустаҳкамлиги муҳим саналган. Замонавий шароитларда диэлектриклар нафақат турли электр схемаларининг пассив элементлари сифатида, балки улар ёрдамида механик ва иссиқлик эенергияларини электр энергиясига айлантирувчи қурилмалар сифатида ишлатилмоқда (пъезоэлектриклар ва пироэлектриклар). Бир қатор диэлектриклар электр ва оптик сигналлари детекторлаш, кучайтириш ва модуляция қилиш да кенг қўлланилмоқда. Бунда фотоэффект, электрооптик ва гальваномагнит сингари хоссалар муҳим рол ўйнайди.

Диэлектрикларнинг қутбланиши.

Фарадей замонида конденсатор пластинкалари оралиғидаги фазони диэлектрик билан тўлғазганимизда унинг сиғими  марта ортиши маълум эди. Диэлектрик сингдирувчанлик деб аталувчи  катталикнинг қиймати фақатгина диэлектрик хоссасига боғлиқ бўлади. Конденсатор сиғим C унинг пластинкаларидаги заряд Q ва потенциаллар фарқи V билан қуйидаги муносабат билан боғланган:

C=Q/V. (1)

Шундай қилиб электродлардаги заряд доимий бўлганда сиғимнинг ошиши потенциаллар фарқини камайишни билдиради. Албатта, бунда конденсатор ток манбаига уланмаган ва диэлектрикнинг электр ўтказувчанлиги нолга тенг, яъни зарядлар оқмайди деб ҳисобланади. Бундан, конденсатор пластинкаларида заряд миқдори ўзгармаса ҳам конденсатор ичидаги электр майдони камайиб қолди деб хулоса қилиш мумкин. Майдон кучланганлигининг камайишини эса диэлектрикнинг бир сиртида мусбат, иккичи сиртида эса манфий заряд индукцияланди деб ҳисоблаб тушунтириш мумкин. Бу зарядлар конденсатор қопламаларидаги тўлиқ заряднинг бир қисмини нейтраллайди ва бу диэлектрик ичидаги майдон кучланганлигини вакуумдагига нисбатан камайтиради (1 расм).