1 Xonandalik san‘atining O‗zbekistonga kirib kelishi. Rus xonandalik maktabi va xonandalik san‘ati 4

Xonandaning hayot tarzi

Xonandaning organizm faoliyati energiya sarflash va uni tiklashdan

iborat.

Barcha mehnat faoliyati kabi, xonandalik faoliyati ham mehnatning ma‘lum bir normasini va uni vaqt jihatdan to‗g‗ri taqsimlashni talab qiladi.

Xonanda o‗zining birinchi navbatda xonanda ekanini unutmasdan, atrofga nazar tashlab, ma‘lum qoidalarga rioya etib yashashi lozim.
Xonanda sog‗lom, psixikasi mustahkam bo‗lishi kerak. U albatta o‗z nerv sistemasini avaylashi kerak, uni turli zo‗riqishlardan, psixik travmalardan asrashish lozim. Lekin u issiq xona o‗simligiga ham aylanib qolishi kerak emas.
Ashula aytishni o‗rganayotganlar, o‗zini san‘atga baxshida etganlar spirtli ichimliklar iste‘moli va chekishdan saqlanishi shart.
Xonanda har kuni ashula aytishga tayyor bo‗lishi kerak. Buning uchun u ma‘lum gigienik qoidalarga rioya qilishi lozim. Tovush apparatini toliqishdan asray bilishi, ko‗p gapirmaslik, ortiqcha kuylamaslik, yuqori notalarni suiste‘mol qilmaslik kerak. Hech qachon tayyorgarlik ko‗rmay turib ashula aytish kerak emas. Mashg‗ulotlarni shunday taqsimlash lozimki, to‗xtamasdan ashula aytish bir soatdan ortmasligi shart.
Ovoz apparatining ish faoliyati ichki organlarning xolatiga bog‗liq, ichki organlarning nosog‗lomligi kuylash vaqtida kiyinchiliklarni yuzaga chiqaradi.
Xonandaning umumgigienik hayot tarzi dam olish, ishlash, ovqatlanish, badan tarbiya harakatlarini ma‘lum darajadagi tartibini talab etadi. Masalan: xonanda kuylashdan 3-4 soat oldin ovqatlanishi, taomni keragidan ortiq yemasligi kerak.
Xonandaning o‗zi ―musiqiy sozdir‖. Uning ovozi faqat u sog‗lom bo‗lsagina yaxshi yangraydi. U nerv sistemasini avaylashi kerak. Vaqtida uxlashi va bu 7-8 soatdan kam bo‗lmasligi kerak. Uxlashdan oldin ishlamasligi kerak. Ovqatni ko‗p yemasliklari, lekin ovqat turli va kaloriyaga boy bo‗lishi lozim. Xonanda piyoda yurishi, badan tarbiya bilan shug‗ullansa yaxshi bo‗ladi. Dam olishning eng yaxshi formasi - bu tabiat bag‗rida aktiv dam olishdir.