1 Ushbu test topshiriqlari kitobi sizga qoralama sifatida berilgan

7 
 
Ushbu test topshiriqlari kitobi sizga qoralama sifatida berilgan, 
Javoblaringizni JAVOBLAR VARAQASIGA ko’chiring.
2-qism 
Quyidagi matn asosida 11-20-savollarga javob bering. 
 
Egizaklar- Hasan-Husan yoki Fotima-Zuhralarning boshqa farzandlardan farqi- 
ularning bir-biriga haddan tashqari o’xshashligidir. Egizaklarni ko’pincha bir-biridan 
ajratish juda qiyin.
Egizak farzand tug’ilishi ba’zi xalqlarda katta quvonch hisoblansa, ba’zi xalqlar 
buni baxtsizlik, daxshatli hodisa hisoblaganlar.
Sharq xalqlarining ko’pchiligida egizak farzand tug’ilishi oilaga katta quvonch 
keltirgan. Egizak farzandlarga, ularning onasiga katta hurmat va ehtirom ko’rsatilgan, 
egizaklar ham, ularning onasi ham muqaddas hisoblangan. 
Ganada yashovchi ahsanti va fanti xalqlarida egizak farzand tug’ilishi yaxshilik 
belgisi hisoblangan. Tavallud topgan egizaklar darhol shoh saroyiga keltirilgan va 
saroyda tarbiyalangan. Egizaklar ulg’aygach, ulardan biri Fotima yoki Zuhrasi 
shohning xotini, Hasan yoki Husani filbon bo’lgan. 
Afrikadagi Ngumba xalqida egizak farzand tug’ilishi odamlarni quvontirgan, 
ularning sog’-salomat ulg’ayishlari uchun turli choralar ko’rilgan. Egizak 
farzandlarining sog’ligini tilab otasi narsalarini- kiyimlarini ham, uy-ro’zg’or 
asboblarini ham, qoplon terisini ham boshqalarga ulashgan. Egizaklar bir oylik 
bo’lgach, qarindosh-urug’ va yor-birodarlarga ziyofat berilgan.
Afrika qit’asidagi ba’zi xalqlarda egizak farzand tug’ilishi ko’ngilsiz hodisa 
hisoblangan, chunki ular egizak farzand tug’ilishida jin-ajinalarning ishtiroki bo’ladi, 
shuning uchun
egizak farzand oilaga baxtsizlik keltiradi, deb ishonganlar. 
Ilgarigi vaqtlarda ba’zi qabilalar egizak farzand tavallud topishi bilan ularni 
o’ldirgan. Agar ona ikkinchi marta egizak farzand tug’sa, egizaklar chumolilarga yem 
uchun tashlangan. Bu xalqlarning e’tiqodicha, shunday tadbir oilada uchinchi marta 
egizak tug’ilishining oldini olar emish. 
Ba’zi xalqlarda egizak farzand tuqqan ayolni chaqaloqlari bilan birga nobud 
qilish odati bo’lgan. Xotinini va farzandlarini o’limdan saqlab qolish uchun ota bir 
nafar qul yoki ko’p pul berishi kerak ekan.

---