1. Umumiy ovqatlanish korxonalari turlari aqsh dagi uok holati O`zbekistondagi uok holati

Kafe-muzqaymoq – menyusida juda ko‘p assortimentli muzqaymoqlar issiq ichimliklar, mevali soklar, mineral suvlar, spirtli ichimliklar quyiladigan kafelardir.
Tamaddixona – bu asosan, mahsulotni shaxsiy ishlab chiqarish orqali tayyorlaydigan va sotadigan ovqatlanish korxonasi hisoblanadi.
Tamaddixonalar odatda birinchi klassli mehmonxonalarda, ba’zan kurortlarda, korxonalarda, o‘quv yurtlarda tashkil etiladi. Bular o‘zining joylashuvi bo‘yicha anchagina yirik ovqatlanish korxonalari hisoblanishadi. Masalan, sayyohlarning tamaddixonalarga ovqatlanishi, ularning sanoat korxonalariga tashrif buyurganlarida tashkillashtiriladi.
U yerda «kompleksli menyu» ham taklif etilishi mumkin. Shuningdek, ko‘p hollarda siklik menyu ham ishlatiladi, shu bilan birga to‘liq ratsionga kiruvchi: nonushta, tushlik, kechki ovqat, «gazaklar», «shved stoli» prinsipi asosida taklif etiladi, asosiy taomni esa tarqatish paytida tanlash mumkin. Masalan, Myunxendagi «Simens» konsernining tamaddixonalaridan birida 10 tagacha issiq taom, gazakka – «shved stoli», ichimliklardan qadoqlangan soklar, pivo, yangi siqqan soklar taklif etiladi.
Pitsseriya – bu, pitssa tayyorlash uchun ixtisoslashtirilgan va uni iste’mol qilish uchun sotadigan korxona hisoblanadi.
Italyancha pitssa sotadigan pesseriyalar dunyo bo‘yicha juda keng tarqalib ketgan. Ular sayyohlarga uncha qimmat bo‘lmagan ovqatlanish joylarida ochila boshlandi va butun dunyoni qamrab oldi. Pitsseriya restoran prinsipida tashkillashtirilishi mumkin, ya’ni ofitsiantning xizmat ko‘rsatishi va taomni individual tayyorlash bilan yoki o‘ziga-o‘zi xizmat ko‘rsatish shakli bilan. O‘z-o‘ziga xizmat ko‘rsatish barcha assortiment tarqatish uchun taqdim etilgan hollarda bo‘ladi. Assortiment o‘z ichiga bir necha xil pitssani, ma’danli suvni, soklarni va vinoni oladi.
Bufetning asosiy mo‘ljallanganligi – bu mijozlarga tez xizmat ko‘rsatish va ularga yaxna gazaklar, buterbrodlar, issiq va sovutilgan ichimliklar, non va konditer mahsulotlari taklif etishdir. Bufetlarda shuningdek, tayyorlanishi qiyin bo‘lmagan taomlar (katlet, sosiskalar) ham sotiladi. Bunday bufetlar mehmonxonalarda, tezyurar trassalardagi yoqilg‘i quyish shaxobchalari stansiyalarida tashkillashtirilishi mumkin.