1. Umumхаlq bаyrаmlаrini nishоnlаsh yuzаsidаn tаvsiyalаr

Sanoq komissiyasi

38. 
    Komissiya tarkibi uch kishidan iborat bo’lib, uning tarkibi hakamlar hay’ati raisi tomonidan belgilanadi. Komissiya final musobaqasida ko’rik-tanlov shartlarini bajarish uchun ishtirokchilarning sarflagan vaqtini hisoblab boradi. Ortiqcha sarflangan vaqt yuzasidan hakamlar hay’atini ogohlantiradi. Sanoq komissiyasi tanlov o’tkazilayotgan joyda ishtirokchilarning barcha turlar va shartlar bo’yicha ko’rsatkichlarini ommaga yoritib boradi.
    
39. 
    Eslatma:
    

• 
  Final bosqichida topshiriqlar (amaliy darslar, sahna ko’rinishlari) ni bajarish jarayonida ko’rik-tanlov ishtirokchisiga hamkorlik qilish uchun o’quvchilarni Toshkent shahridagi belgilangan maktabdan olishga ruxsat etiladi. Lekin bu bosqichga viloyatdan o’quvchilarni olib kelish man etiladi.
  
• 
  Final musobaqasi qatnashchilari ko’rik-tanlov shartlarini belgilangan vaqt ichida bajarishlari shart.
  
• 
  Ko’rik-tanlov jarayoniga xalaqit bergan, hakamlar hay’ati, ekspertlar xulosalarini pisand qilmagan hamda ushbu tartiblarga amal qilishdan bosh tortgan ishtirokchi ko’rik-tanlovdan chetlashtiriladi. Bu haqda tegishli dalolatnoma tuzilib, rasmiylashtiriladi.
  
• 
  Ko’rik-tanlovning o’tishi yuzasidan faqat ko’rik-tanlov qatnash-chilarigina e’tiroz bildirish huquqiga ega va ularning e’tirozlari joyida hamda e’tiroz bildirilgan vaqtning o’zida hal etiladi, keyingi e’tirozlar qabul qilinmaydi.
  

10. 
    Ko’rik-tanlovning yakunlanishi va g’oliblarni taqdirlash
    

40. 
    Ko’rik-tanlovning barcha bosqichlarida zakovatliligi va pedagogik mahorati, fanini va uning o’qitish metodikasini yaxshi bilishi, o’zining pedagogik texnologiyasining mavjudligi, ta’lim va tarbiya jarayonida vosita va metodlarning samara beradiganlarini tanlashi, pedagogik vaziyatni anglashi va o’quvchining psixologik holatini bilishiga qarab aniqlanadi.
    
41. 
    Tanlovning barcha bosqichlarida g’oliblarni taqdirlash uchun sarf-harajatlar smetasi joylardagi mutasaddilar tomonidan yil boshidan tayyorlanishi, umumiy rejaga kiritilishi lozim.
    
42. 
    Tuman bosqichining yakunlanishi va g’oliblarni taqdirlash:
    

• 
  har bir fandan 1-o’rinni egallagan 1 nafar o’qituvchiga “Yilning eng yaxshi fan o’qituvchisi” tanlovi tuman bosqichi g’olibi diplomi beriladi va viloyat bosqichida ishtirok etish uchun tavsiya etiladi;
  
• 
  har bir fandan 2,3-o’rinni egallagan o’qituvchilarga tuman xalq ta’limi bo’limining esdalik sovg’alari beriladi;
  
• 
  sovrinli o’rinlarga ega bo’lmagan ishtirokchilarni tuman bosqichida qatnashganligi uchun maktab ma’muriyati imkoniyati darajasida taqdirlaydi.
  

43. 
    Viloyat bosqichining yakunlanishi va g’oliblarni taqdirlash:
    

• 
  har bir fandan 1-o’rinni egallagan 1 nafar o’qituvchiga “Yilning eng yaxshi fan o’qituvchisi” viloyat bosqichi g’olibi diplomi beriladi va Respublika bosqichida ishtirok etish uchun tavsiya etiladi.
  
• 
  har bir fandan 1 ta 2-o’rin va 1 ta 3-o’rin berilib, g’oliblar viloyat xalq ta’limi boshqarmalarining esdalik sovg’alari bilan taqdirlanadi.
  
• 
  viloyat bosqichida ishtirok etgan boshqa o’qituvchilarning tuman xalq ta’limi bo’limida ish tajribalari ommalashtiriladi, dars ishlanmalari to’plam sifatida chop etiladi, targ’ibot-tashviqot maqsadida ushbu o’qituvchining seminarlar, tadbirlar, ochiq darslar, an’anaviy Avgust kengashlarida muntazam ishtiroki tashkil etiladi.
  

44. 
    Respublika bosqichining yakunlanishi va g’oliblarni taqdirlash:
    

• 
  har bir fandan 1,2,3-o’rinni egallagan o’qituvchilarga Xalq ta’limi vazirligining «Yilning eng yaxshi fan o’qituvchisi» diplomi beriladi.
  
• 
  har bir fandan 1-o’rinni egallagan o’qituvchilar «Xalq ta’limi a’lochisi» ko’krak nishoni, maxsus kubok va esdalik sovg’alari bilan taqdirlanadi.
  
• 
  g’oliblar asosiy ish joylaridan, viloyat XTB tomonidan Davlat mukofotlariga tavsiya etilishi mumkin.
  
• 
  respublika bosqichida ishtirok etgan boshqa o’qituvchilarning ish tajribalari Respublika, viloyat miqyosida ommalashtiriladi, targ’ibot - tashviqot maqsadida o’qituvchilar ishtirokida seminarlar tashkil etiladi.
  

45. 
    «Yilning eng yaxshi fan o’qituvchisi» ko’rik-tanlovining barcha bosqichlarida hakamlar hay’ati, ekspert komissiyasi va o’qituvchilar uchun sarf-harajatlar ularning asosiy ish joylaridan to’lanadi.
    
46. 
    Ko’rik-tanlovning Respublika bosqichini o’tkazish, g’oliblarni taqdirlash uchun Xalq ta’limi vazirligi tomonidan tasdiqlangan sarf-harajatlar hisobidan mablag’ ajratiladi.