1-Тема. Илим изертлеўдиң тийкарғы басқышлары

1.5.Илмий жумысты жуўмақлаў

Илимий изертлеўдиң ең кейинги баскышы избе-изликте қойып шығыў жуўмақлаў болып, әдетте буның қурамына излениўлер натийжелери семинер кеңестен өтиў, сын ҳәм пикир ҳәм жумысты бир қатар оқып жығыў ушын дене тәрбиясы ҳәм спорт тараўындағы илимпазларға таркатыў жуямақлая бөлимине киреди. Бунда илимпазлар жумысты көрип шығып өзиниң пикирлерин билдиреди.

Жумыс нәтийжелери изертлеўши ислеген илимий топарда (кафедра, бөлим) көрип шығылады ҳәм оған сын береди. Исленген жумыс бойынша илимий журналларда, конференцияларда (илимий мақала, тезис) илимий жумыс бойынша мағлыўматлар берип барыўы тийис. Жумыста алып барылатуғын изертлеўлдердиң тийкаргы мазмуны алдыннан жәрияланыўы ҳәм оны қорғаўға алып шығыў мәжбүрий шартлердиң бири есапланады.
Изертлеў нәтийжелери бойынша семинар ҳәм илимий кеңеслерде автор бир неше пайдалы мәсләҳәтлер алыўы мүмкин. Ол барлық берилген мәсләҳәтлерди жақсылап үйренеди зәрүр болса қайтадан ислеп шығады. Бул мәсләҳәтлер илимий жумыстың мазмунын жақсылаўға имкан береди.